Amazonରେ ଲାଗିବ ଅର୍ଲି ଡିଲ୍ ଘୋଷଣା, ଏହି ସେଲରେ ସ୍ମାର୍ଟଫୋନ୍, ସ୍ମାର୍ଟ ଟିଭି, ହୋମ୍ ଆପ୍ଲାଏନ୍ସ କମ୍ ଦାମରେ କିଣିବାର ସୁଯୋଗ ପାଇବେ

Flipkart ପରେ ଏବେ Amazon ମଧ୍ୟ ନିଜର ଆଗାମୀ Great Indian Festival Sale ପୂର୍ବରୁ ଅର୍ଲି ଡିଲ୍ ଘୋଷଣା କରିଛି । କମ୍ପାନୀ ପକ୍ଷରୁ ଅନେକ ସ୍ମାର୍ଟଫୋନରେ ଅର୍ଲି ଅଫର୍ ଘୋଷଣା କରାଯାଇଛି । ଭାରତୀୟ କମ୍ପାନୀ Lava ଚଳିତ ବର୍ଷ ଲଞ୍ଚ କରିଥିବା ଏକ ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନକୁ Amazonରେ ମାତ୍ର ୭,୯୯୯ ଟଙ୍କାରେ କିଣିପାରିବେ । ଫୋନର ଦାମରେ ଡିସ୍କାଉଣ୍ଟ ସହ ବ୍ୟାଙ୍କ ଅଫରର ମଧ୍ୟ ଲାଭ ମିଳିବ।

ଇ-କମର୍ସ ୱେବସାଇଟ୍ Amazonରେ ଏହି ଫେଷ୍ଟିଭାଲ୍ ସେଲ୍ ଅକ୍ଟୋବର ୮ ତାରିଖରୁ ଆରମ୍ଭ ହେବ । Amazon Prime ସଦସ୍ୟଙ୍କ ପାଇଁ ଏହି ସେଲ୍ ୨୪ ଘଣ୍ଟା ପୂର୍ବରୁ ଅର୍ଥାତ୍ ଅକ୍ଟୋବର ୭ ତାରିଖରୁ ଲାଇଭ୍ ହୋଇଯିବ । ଏହା ଚଳିତ ବର୍ଷର ସବୁଠାରୁ ବଡ଼ ଫେଷ୍ଟିଭ୍ ସେଲ୍ ମଧ୍ୟରୁ ଅନ୍ୟତମ । ଏହି ସେଲରେ ସ୍ମାର୍ଟଫୋନ୍, ସ୍ମାର୍ଟ ଟିଭି, ହୋମ୍ ଆପ୍ଲାଏନ୍ସ ସମେତ ବିଭିନ୍ନ ପ୍ରଡକ୍ଟକୁ କମ୍ ଦାମରେ କିଣିବାର ସୁଯୋଗ ମିଳିବ ।

Great Indian Festival Saleରେ SBI କାର୍ଡଧାରୀଙ୍କୁ EMI ଟ୍ରାଞ୍ଜାକ୍ସନରେ ୧୦ ପ୍ରତିଶତ ଇନଷ୍ଟାଣ୍ଟ ଡିସ୍କାଉଣ୍ଟ ଦିଆଯିବ। ସେହିପରି Prime ସଦସ୍ୟଙ୍କୁ ଅତିରିକ୍ତ ୧୦% ଡିସ୍କାଉଣ୍ଟ ମିଳିପାରିବ । Amazonର ୱେବସାଇଟ୍ ଅନୁସାରେ, ଭାରତୀୟ କମ୍ପାନୀ Lava ଚଳିତ ବର୍ଷ ଲଞ୍ଚ କରିଥିବା Lava Bold N4 Lite ସ୍ମାର୍ଟଫୋନକୁ ମାତ୍ର ୭,୯୯୯ ଟଙ୍କାରେ କିଣିପାରିବେ।

ଏହି ଫୋନରେ ୫,୦୦୦mAhର ବଡ଼ ବ୍ୟାଟେରୀ ଏବଂ ମିଲିଟାରୀ ଗ୍ରେଡ୍ ଡ୍ୟୁରାବିଲିଟି ଭଳି ଫିଚର୍ ରହିଛି । Amazonରେ ଏହି ଫୋନର ଲିଷ୍ଟେଡ୍ ପ୍ରାଇସ୍ ୮,୩୯୯ ଟଙ୍କା ଥିବାବେଳେ ଏହାର MRP ୯,୯୯୯ ଟଙ୍କା। ତେବେ ଅର୍ଲି ସେଲରେ ଏହି ସ୍ମାର୍ଟଫୋନକୁ ୭,୯୯୯ ଟଙ୍କାରେ କିଣିବାର ସୁଯୋଗ ମିଳିବ ।

Lava Bold N4 Liteର ଫିଚର୍:
Lava Bold N4 Lite ଏକ ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନ୍ । ଏହାକୁ ବେସିକ୍ ୟୁଜରଙ୍କୁ ଦୃଷ୍ଟିରେ ରଖି ଲଞ୍ଚ କରାଯାଇଛି । ଫୋନରେ ୬.୫୬ ଇଞ୍ଚର HD ଡିସପ୍ଲେ ଦିଆଯାଇଛି । ଡିସପ୍ଲେରେ ୱାଟରଡ୍ରପ୍ ନଚ୍ ଡିଜାଇନ୍ ଦେଖିବାକୁ ମିଳେ । ଏହି ଫୋନରେ Unisoc SC9863A1 ଅକ୍ଟାକୋର୍ ପ୍ରୋସେସର୍ ଦିଆଯାଇଛି । ଏଥିରେ ୩GB RAM ଏବଂ ୩୨GB ଷ୍ଟୋରେଜ୍ ମିଳିବ । ମାଇକ୍ରୋSD କାର୍ଡ ମାଧ୍ୟମରେ ଷ୍ଟୋରେଜକୁ ଆହୁରି ଏକ୍ସପାଣ୍ଡ କରାଯାଇପାରିବ । ଫୋନରେ ୫,୦୦୦mAhର ବ୍ୟାଟେରୀ ରହିଛି । ଏହା ସହ ୧୦W USB Type-C ଚାର୍ଜିଂ ସପୋର୍ଟ ଦିଆଯାଇଛି । ଫୋନଟି Android 16 Go ଅପରେଟିଂ ସିଷ୍ଟମରେ ଚାଲିଥାଏ ।

କ୍ୟାମେରା କଥା କହିଲେ, ଫୋନର ବ୍ୟାକରେ ୮MPର AI କ୍ୟାମେରା ଦିଆଯାଇଛି । ସେହିପରି ସେଲ୍ଫି ଏବଂ ଭିଡିଓ କଲିଂ ପାଇଁ ୫MPର ଫ୍ରଣ୍ଟ କ୍ୟାମେରା ମିଳିଛି । ଏଥିସହ ଯଦି ଆପଣ ଏହି ଫୋନ୍ କିଣିବାକୁ ପ୍ଲାନ୍ କରୁଛନ୍ତି, ତେବେ ଏହି ସେଲର ଅଫର ନିଶ୍ଚିତ ଉଠାନ୍ତୁ ।