QOO ଆଉ ଏକ ବଜେଟ୍ ସ୍ମାର୍ଟଫୋନ୍ ଚୀନ୍ ବଜାରରେ ଲଞ୍ଚ କରିଛି

QOO ଆଉ ଏକ ବଜେଟ୍ ସ୍ମାର୍ଟଫୋନ୍ ଲଞ୍ଚ କରିଛି । ଏହି iQOO ସ୍ମାର୍ଟଫୋନ୍ରେ 6,500mAh ବ୍ୟାଟେରୀ ଏବଂ ପାୱାରଫୁଲ୍ ଫିଚର୍ସ ରହିଛି । କମ୍ପାନୀ iQOO Z11 ସିରିଜରେ ତିନୋଟି ମଡେଲ୍ ଲଞ୍ଚ କରିସାରିଛି, ଯାହା ହେଉଛି- Z11, Z11x, ଏବଂ Z11 Turbo। ନୂଆ ମଡେଲରେ, iQOO Z11i, ଏକ ବଡ଼ ବ୍ୟାଟେରୀ, ଏକ ହାଇ ରିଫ୍ରେସ୍ ରେଟ୍ ଏବଂ ୱାଟର ରେସିଷ୍ଟାନ୍ସ ଫିଚର୍ସ ରହିଛି । ଏହି ଫୋନ୍ଟି ବର୍ତ୍ତମାନ ଚୀନ୍ ବଜାରରେ ଲଞ୍ଚ ହୋଇଛି ।

ଫିଚର୍ସ:
iQOO ର ଏହି ପାୱାରଫୁଲ୍ ଫୋନଟି ୬.୭୪-ଇଞ୍ଚ LCD ଡିସପ୍ଲେ ପ୍ୟାନେଲ୍ ସହିତ ଆସିଛି । ଏହି ଡିସପ୍ଲେ HD+ ରିଜୋଲ୍ୟୁସନକୁ ସପୋର୍ଟ କରେ, ଯାହାର ରିଜୋଲ୍ୟୁସନ୍ 1600 x 720 ପିକ୍ସେଲ୍ । ଡିସ୍ପ୍ଲେର ପିକ୍ ବ୍ରାଇଟନେସ୍ ୧୨୦୦ ନିଟ୍ସ ପର୍ଯ୍ୟନ୍ତ ରହିଛି । ଏହି ଫୋନରେ ୱାଟରଡ୍ରପ୍-ଷ୍ଟାଇଲ୍ ନଚ୍ ଡିଜାଇନ୍ ଏବଂ ଏକ ସାଇଡ୍-ମାଉଣ୍ଟେଡ୍ ଫିଙ୍ଗରପ୍ରିଣ୍ଟ ସେନ୍ସର୍ ରହିଛି ।

ଏହା ଏକ Qualcomm Snapdragon 4 Gen 2 ଚିପସେଟ୍ ଦ୍ୱାରା ପରିଚାଳିତ । ଫୋନରେ 8GB RAM ଏବଂ 256GB ଷ୍ଟୋରେଜ୍ ଅଛି । ଫୋନର ଷ୍ଟୋରେଜ୍ ଏକ microSD କାର୍ଡ ମାଧ୍ୟମରେ ଏକ୍ସପାଣ୍ଡ କରାଯାଇପାରିବ । ଏହି ସ୍ମାର୍ଟଫୋନ୍ 6,500mAh ବ୍ୟାଟେରୀ ଦ୍ୱାରା ପରିଚାଳିତ ଏବଂ 15W ଫାଷ୍ଟ ଚାର୍ଜିଂକୁ ସପୋର୍ଟ କରେ । ଏହା Android 16 ଉପରେ ବେସ୍ଡ OriginOS ରେ ଚାଲିଥାଏ ।

iQOO Z11i ରେ LED ଫ୍ଲାସ୍ ସହିତ ଏକ ସିଙ୍ଗଲ୍ 13MP ବ୍ୟାକ୍ କ୍ୟାମେରା ରହିଛି । ଏଥିରେ ଏକ 5MP ଫ୍ରଣ୍ଟ କ୍ୟାମେରା ମଧ୍ୟ ଅଛି ଯାହା 1080p ରେ ଭିଡିଓ ରେକର୍ଡ କରିପାରିବ । କନେକ୍ଟଭିଟି ଅପ୍ସନଗୁଡ଼ିକ ମଧ୍ୟରେ USB ଟାଇପ୍-C, ବ୍ଲୁଟୁଥ୍, ଏକ IR ବ୍ଲାଷ୍ଟର ଏବଂ ଏକ 3.5mm ଅଡିଓ ଜ୍ୟାକ୍ ସାମିଲ୍ । ଏହା IP65 ରେଟେଡ୍, ଯାହା ଏହାକୁ ୱାଟର ଏବଂ ଡଷ୍ଟ ରେସିଷ୍ଟାନ୍ସ କରିଥାଏ ।

ପ୍ରାଇସ୍:
ଏହି iQOO ଫୋନଟି ଚୀନରେ ଇଙ୍କ୍ ସାଡୋ, କିଙ୍ଗଫେଙ୍ଗ ଏବଂ ଡେଜର୍ଟ ଗୋଲ୍ଡ କଲର ଅପ୍ସନରେ ଲଞ୍ଚ ହୋଇଛି । ଏହାକୁ ତିନୋଟି ଷ୍ଟୋରେଜ୍ ଭାରିଆଣ୍ଟରେ କିଣାଯାଇପାରିବ ଯାହା ହେଉଛି – 6GB RAM + 128GB ଷ୍ଟୋରେଜ୍, 8GB RAM + 128GB ଷ୍ଟୋରେଜ୍ ଏବଂ 8GB RAM + 256GB ଷ୍ଟୋରେଜ୍ ରହିଛି । ଏହାର ପ୍ରାରମ୍ଭିକ ମୂଲ୍ୟ ପ୍ରାୟ ୧୮,୨୦୦ ଟଙ୍କା ରହିଛି । ଏହାର ଅନ୍ୟ ଦୁଇଟି ଭାରିଆଣ୍ଟର ମୂଲ୍ୟ ଯଥାକ୍ରମେ ୨୧,୦୦୦ ଟଙ୍କା ଏବଂ ୨୩,୮୦୦ ଟଙ୍କା ରହିଛି । ଏଥିସହ ଯଦି ଆପଣ କମ୍ ବଜେଟରେ