ଆଜି ଶ୍ରାବଣ ମାସର ପ୍ରଥମ ସୋମବାରରେ ଜଳାଭିଷେକ କଲେ ଶ୍ରଦ୍ଧାଳୁ

ଶ୍ରାବଣ ମାସର ପ୍ରଥମ ସୋମବାରେ ଶିବଙ୍କ ଠାରେ ଜଳଲାଗି କରିଛନ୍ତି ହଜାର ହଜାର ଶିବଭକ୍ତ । ବାବା ଧବଳେଶ୍ବରଙ୍କ ପୀଠରେ ଶିବଙ୍କ ପୂଜାର୍ଚ୍ଚନା କରି ମନସ୍କାମନା ପୂରଣ ପାଇଁ ଭକ୍ତମାନେ ଜଳାଭିଷେକ କରିଛନ୍ତି । ସେହିପରି ଲିଙ୍ଗରାଜ ମନ୍ଦିରରେ ଭକ୍ତମାନେ ସକାଳୁ ଧାଡିରେ ଯାଇ ଜଳାଭିଷେକ କରିଛନ୍ତି । ଶ୍ରାବଣ ମାସର ପ୍ରଥମ ସୋମବାର ପାଇଁ ରାଜ୍ୟର ବିଭିନ୍ନ ଶିବମନ୍ଦିରରେ ଜଳାଭିଷେକ କରିଛନ୍ତି ଶୈବ ଭକ୍ତ । ଜଳାଭିଷେକ ଲାଗି ବିଭିନ୍ନ ଶୈବପୀଠରେ ଲାଗିଥିଲା ଆଜି ସକାଳୁ କାଉଡିଆଙ୍କ ଭିଡ । ଭକ୍ତମାନେ ଜଳାଭିଷେକ କରିବା ସହ ବେଲପତ୍ର, ଗଙ୍ଗାଜଳ, ଖିର,କଦଳୀ, କର୍ପୂର, ଚାଉଳ ଆଦି ମଧ୍ୟ ଶିବଙ୍କୁ ସନ୍ତୁଷ୍ଟ କରିବା ପାଇଁ ଅର୍ପଣ କରିଛନ୍ତି। କିଛି ଶ୍ରଦ୍ଧାଳୁ ଶିବଙ୍କର ଅତି ପ୍ରିୟ ରୁଦ୍ରାକ୍ଷ ମଧ୍ୟ ଅର୍ପଣ ମଧ୍ୟ କରିଥାନ୍ତି । ଭକ୍ତିସହକାରେ ପୂଜା କଲେ ଦେବ ଦେବ ମହାଦେବ ଶିବ ଆଶୀର୍ବାଦ ପ୍ରଦାନ କରିଥାନ୍ତି । ଏହା ବିଶ୍ବାସ ରହିଛି ।