ମଶା ପାଇଁ କୋଲକାତା ମଡେଲକୁ ଆପଣାଇବ ବିଏମସି

ଭୁବନେଶ୍ବର: ରାଜଧାନୀରେ ମଶାଙ୍କ ଉତ୍ପାତ ବଢ଼ି ବଢ଼ିଚାଲିଛି । ଯେଉଁଠି ଦେଖିବ ସେଠି କୁଢ଼ କୁଢ଼ ମଶା । ଘର ହେଉ ଅବା ନାଳନର୍ଦ୍ଦମା ସବୁଠି ମଶା ହାଉଯାଉ ହେଉଛନ୍ତି ରାଜଧାନୀ ଭୁବନେଶ୍ବରରେ । ଦିନ ହେଉ ଅବା ରାତି ରାଜଧାନୀବାସୀ ମଶାଙ୍କ କାମୁଡା ଖାଇ ହନ୍ତସନ୍ତ ହେଉଛନ୍ତି । ମଶାଙ୍କ ପ୍ରାଦୁର୍ଭାବ ନେଇ ସରକାରଙ୍କୁ ଘେରିବା ସହ ବୁଦ୍ଧିଜୀବୀମାନେ ସ୍ବର ଉଠାଇବା ଆରମ୍ଭ କରିଛନ୍ତି । ନିଜର କଳ ବଳ କାମ କରୁଥିବାରୁ ବିଏମସି ଏବେ କୋଲକତା ମଡେଲରେ ମଶାବଂଶ ନାଶ କରିବାକୁ ଯୋଜନା କରୁଥିବା ଚର୍ଚା ହେଉଛି । କୋଲକାତା ମଡେଲରେ ରାଜଧାନୀ ଭୁବନେଶ୍ୱରରେ ଆରମ୍ଭ ହୋଇ ମଶା ଦମନ କରିବାକୁ ଓହ୍ଲାଇଛି ବିଏମସି। ଡ୍ରୋନ୍ ପଦ୍ଧତିରେ ମଶାଙ୍କ ଉତ୍ପତିସ୍ଥଳ ଚିହ୍ନଟ କରିବା ପରେ ମଶା ବଂଶ ନାଶ ପାଇଁ କୀଟନାଶକ ସ୍ପ୍ରେ କରାଯାଉଛି। ତେବେ ଏଥିରେ ବିଏମସି କେତେ ସଫଳ ହେଉଛି ତାହା ଦୁଇ ସପ୍ତାହ ପରେ ଜଣାପଡିବ । ଦୈନିକ ୧୦ଟି ସ୍ଥାନରେ ପ୍ରାୟ ୧୦୦ ଲିଟର କୀଟନାଶକ ସ୍ପ୍ରେ କରିବା ପାଇଁ ଯୋଜନା ହୋଇଛି। ସେପଟେ ଆଜିଠୁ ସବୁ ଓ୍ୱାର୍ଡ ରେ ୩୦ ଜଣ ସଫେଇ କର୍ମକାରୀ ଏକା ସମୟରେ ନାଳ ନର୍ଦ୍ଦମାରେ ମଶା ତେଲ ପକାଉଛନ୍ତି । ମଶା ଧୂଆଁ ଗାଡି ମଧ୍ୟ ଏବେ ଘାଇଁ ଘାଇଁ ପ୍ରତି ଓ୍ବାଡରେ ବୁଲିବାକୁ ନିଷ୍ପତ୍ତି ହୋଇଛି । ଏସବୁ କେତେ କାମ କରୁଛି ଏବଂ ମଶା ବଂଶ ନାଶ ହେଉଛି କି ନାହିଁ ତାକୁ ଅପେକ୍ଷା