ଦିଦିଙ୍କୁ ‘ଟାଟା-ବାଏ ବାଏ’ କରିବାର ସମୟ ଆସିଗଲା – ଅମିତ ଶାହା

ଶାହାଙ୍କ ଭବିଷ୍ୟବାଣୀ ହେଲା ସତ । ବର୍ତ୍ତମାନ ସୁଦ୍ଧା ଆସିଥିବା ଟ୍ରେଣ୍ଡରେ ପଶ୍ଚିମବଙ୍ଗରେ ବିଜେପି ସରକାର ଗଢିବା ଏକପ୍ରକାର ସ୍ପଷ୍ଟ ହୋଇସାରିଛି । ପଶ୍ଚିମବଙ୍ଗରେ ଚାଲିଥିଲା ନିର୍ବାଚନୀ ପ୍ରଚାର । ପଶ୍ଚିମବଙ୍ଗର ଡୁମଡୁମ୍ ରାଲିକୁ ସମ୍ବୋଧନ କରୁଥିବା ସମୟରେ ଅମିତ ଶାହା କହିଥିଲେ ଯେ, ମେ ୪ ତାରିଖ ମଧ୍ୟାହ୍ନ ୧ଟା ସୁଦ୍ଧା ସ୍ପଷ୍ଟ ହୋଇଯିବ ଯେ ମମତା ବାନାର୍ଜୀଙ୍କ ସରକାର ଯାଉଛି। ପଶ୍ଚିମବଙ୍ଗରେ ଏଥର ପଦ୍ମ ଫୁଟିବା ସୁନିଶ୍ଚିତ । ଦୀର୍ଘ ଦିନ ଧରି ବେଙ୍ଗଲର ଜନସାଧାରଣଙ୍କ ଉପରେ ଚାଲିଥିବା ଅତ୍ୟାଚାର ଏବେ ବନ୍ଦ ହେବ । ପଶ୍ଚିମବଙ୍ଗବାସୀଙ୍କ ପାଇଁ ଆସୁଛି ଖୁସିର ଦିନ ।ତେବେ ଏହି କଥାକୁ ବିତିଗଲାଣି କେତେ ଦିନ । ଆଉ ଆଜି କାଉଣ୍ଟିଂ ଡେ । ଚାଲିଛି ଭୋଟ ଗଣତି । ତେବେ ଚାଲିଥିବା ଗଣତି ଅନୁସାରେ ଅପରାହ୍ନ ୨ଟା ସୁଦ୍ଧା ପଶ୍ଚିମବଙ୍ଗରେ ବିଜେପି ବହୁମତ ପାଉଛି । ଚାଲିଥିବା ଟ୍ରେଣ୍ଡ ଅନୁସାରେ ବିଜେପି ୧୯୪ ଆସନରେ ଆଗୁଆ ରହିଥିବା ବେଳେ ଟିଏମ୍‌ସି ୯୪ ଆସନରେ ଆଗୁଆ ରହିଛି । ଅମିତ ଶାହଙ୍କ ଆକଳନ ଅନୁସାରେ, ସକାଳ ୮ଟାରୁ ଗଣତି ଆରମ୍ଭ ହେବା ପରେ ୧୦ଟା ସୁଦ୍ଧା ଚିତ୍ର ସ୍ପଷ୍ଟ ହେବାକୁ ଲାଗିଥିଲା ଏବଂ ଏବେ ଦିଦିଙ୍କ ‘ଟାଟା-ବାଏ ବାଏ’ କରିବାର ସମୟ ଆସିଯାଇଛି।