କ’ଣ ଆପଣ ନିଜ ରାଗ ଯୋଗୁଁ ଚିନ୍ତିତ ଅଛନ୍ତି? କଥା କଥାରେ ଆପଣଙ୍କୁ ବହୁତ ରାଗ ଆସୁଛି କି? ତେବେ ଏହି ସୂଚନାକୁ ପଢ଼ନ୍ତୁ ଏବଂ ଜାଣନ୍ତୁ ଆପଣ କେଉଁ ସମସ୍ୟା ଦେଇ ଗତି କରୁଛନ୍ତି..ଆମେ ଦେଖିଛୁ ଯେ କିଛି ଲୋକ ବହୁତ ଶାନ୍ତ ରୁହନ୍ତି। ଅନ୍ୟପଟେ କିଛି ଲୋକଙ୍କୁ କଥା କଥାରେ ବହୁତ ଜୋରରେ ରାଗ ଆସିଯାଏ। ଆପଣ କେବେ ଭାବିଛନ୍ତି କି ଏପରି କାହିଁକି ହୁଏ? ରାଗ କେବଳ ଏକ ଭାବନା ନୁହେଁ ବରଂ ଏହାର ସିଧାସଳଖ ସମ୍ପର୍କ ଆମ ମସ୍ତିଷ୍କ ଏବଂ ଶରୀର ସହିତ ରହିଛି। ଯେତେବେଳେ କାହାକୁ ରାଗ ଆସେ ସେତେବେଳେ ତାଙ୍କ ଶରୀର ଭିତରେ ଏକ ବଡ଼ ଓଲଟପାଲଟ ସୃଷ୍ଟି ହୋଇଥାଏ।
ଆମ ମସ୍ତିଷ୍କରେ ଆମିଗଡାଲା ନାମକ ଏକ ଛୋଟ ଅଂଶ ଥାଏ। ଏହାକୁ ଆମ ଶରୀରର ବିପଦ ସଙ୍କେତ ଦେଉଥିବା ଆଲାର୍ମ ମଧ୍ୟ କୁହାଯାଇପାରେ। ଯେତେବେଳେ ବି ଆମକୁ କୌଣସି କଥା ଖରାପ ଲାଗେ ଏହି ଆଲାର୍ମ ତୁରନ୍ତ ବାଜିଉଠେ। ଅଧିକ ରାଗୁଥିବା ଲୋକଙ୍କ କ୍ଷେତ୍ରରେ ଏହି ଅଂଶଟି ବହୁତ ଅଧିକ ସକ୍ରିୟ ଥାଏ। ଏହା ମସ୍ତିଷ୍କର ଚିନ୍ତା କରିବା ଓ ବୁଝିବା ଶକ୍ତି ଥିବା ଅଂଶକୁ ବ୍ଲକ କରିଦିଏ। ଯାହାଫଳରେ ମଣିଷ କିଛି ନଭାବି ନଚିନ୍ତି ଯାହା ଇଚ୍ଛା ତାହା କହିଦିଏ ବା କରିବସେ। ଯେମିତି ହିଁ ଆମିଗଡାଲା ସକ୍ରିୟ ହୁଏ ଏହା ଶରୀରରେ ଆଡ୍ରେନାଲିନ୍ ଏବଂ କର୍ଟିସୋଲ୍ ନାମକ ଷ୍ଟ୍ରେସ୍ ହରମୋନ୍ ରିଲିଜ୍ କରିଦିଏ। ଏହି ହରମୋନ୍ ବାହାରିବା ମାତ୍ରେ ଶରୀରରେ ଏହି ବଡ଼ ପରିବର୍ତ୍ତନଗୁଡ଼ିକ ଦେଖାଦିଏ:
ହୃଦସ୍ପନ୍ଦନ ବହୁତ ତୀବ୍ର ହୋଇଯାଏ, ବ୍ଲଡ୍ ପ୍ରେସର ହଠାତ୍ ବଢ଼ିଯାଏ, ମାଂସପେଶୀଗୁଡ଼ିକ ସମ୍ପୂର୍ଣ୍ଣ ଟାଣି ହୋଇଯାଏ, ଶ୍ୱାସକ୍ରିୟା ବହୁତ ଜୋରରେ ବଢ଼େ, ମୁହଁ ଓ ହାତରେ ରକ୍ତ ପ୍ରବାହ ବଢ଼ିଯାଏ ଯାହାଫଳରେ ମୁହଁ ଲାଲ୍ ପଡ଼ିଯାଏ।