ଘରର ସଠିକ୍ ଦିଗରେ ଲାଫିଂ ବୁଦ୍ଧ ରଖିଲେ ହେବ ଧନର ବର୍ଷା
ଲାଫିଂ ବୁଦ୍ଧଙ୍କ ମୂର୍ତ୍ତି ଅନେକ ଲୋକଙ୍କ ଘରେ, ଦୋକାନରେ ଏବଂ ଅଫିସ ଦେଖିଥାଉ । ଯାହାକୁ ଖୁବ୍ ଶୁଭ ବୋଲି ମନାଯାଏ । ବାସ୍ତୁ ଶାସ୍ତ୍ର ଅନୁସାରେ ଏହି ମୂର୍ତ୍ତି ଘରେ ସୁଖ, ଶାନ୍ତି, ସକରାତ୍ମକ ଉର୍ଜା ଏବଂ ସୌଭାଗ୍ୟକୁ ଆକର୍ଷଣ କରିଥାଏ । ତେବେ ଆସନ୍ତୁ ଏହି ମୂର୍ତ୍ତି ସହିତ ଜଡିତ ଥିବା ଇତିହାସ, ମହତ୍ତ୍ବ ଏବଂ ଘରେ ରଖିବାର ସଠିକ୍ ଦିଗ ସମ୍ପର୍କରେ ଜାଣିବା ।
ଲାଫିଂ ବୁଦ୍ଧଙ୍କୁ ଚୀନ୍ ପରମ୍ପରାରେ ବୁଡାଇ ଏବଂ ଜାପାନୀ ପରମ୍ପରାରେ ହୋତେଇ ନାମରେ ଜଣାଶୁଣା । ସେ ଦଶମ ଶତାବ୍ଦୀରେ ଲିଆଙ୍ଗ ରାଜବଂଶ ସମୟରେ ଜଣେ ଚୀନ୍ ଜେନ୍ ସନ୍ନ୍ୟାସୀ ଥିଲେ। ଚୀନ୍ ଭାଷାରେ ବୁଡାଇ ଅର୍ଥ କପଡା ବ୍ୟାଗ, କାରଣ ସେ ଯାତ୍ରା କରିବା ସମୟରେ ସର୍ବଦା ଏକ ବ୍ୟାଗ ସାଙ୍ଗରେ ଧରି ବୁଲୁଥିଲେ । ତାଙ୍କର ଆକୃତି ମୋଟା ଏବଂ ସବୁବେଳେ ହସୁଥିବା ମୁହଁ ସହିତ, ତାଙ୍କୁ ପ୍ରଫୁଲ୍ଲତା ଏବଂ ହାସ୍ୟରସର ପ୍ରତୀକ ଭାବରେ ବିବେଚନା କରାଯାଉଥିଲା। ସମୟ ସହିତ, ସେ ଜ୍ଞାନ, ଖୁସି ଏବଂ ସୌଭାଗ୍ୟର ଏକ ପ୍ରତୀକ ହୋଇ ରହିଗଲେ ।
ଲାଫିଂ ବୁଦ୍ଧ ଘରେ ରଖିବାର ଲାଭ: ଏହାକୁ ଘରେ ରଖିବା ଦ୍ବାରା ଅନେକ ଦୃଷ୍ଟିରୁ ବହୁତ ଲାଭଦାୟକ ବୋଲି ବିବେଚନା କରାଯାଏ । ଘରେ ସୁଖ ଏବଂ ସମୃଦ୍ଧିର ପରିବେଶ ସୃଷ୍ଟି କରିବା ସହିତ ମନକୁ ଶାନ୍ତ ରଖେ । ଧନ ଏବଂ ସ୍ବାସ୍ଥ୍ୟରେ ଉନ୍ନତି ଆଣେ । ଏହି ମୂର୍ତ୍ତିଟି ଖୁସି ମୁହଁ ଥିବାରୁ ଘରୁ ନକରାତ୍ମକତା ଦୂର ହୋଇ ସକରାତ୍ମକ ଉର୍ଜା ବୃଦ୍ଧି କରେ ।
ଏଥିସହ ପରିବାରରେ ପାରସ୍ପାରିକ ପ୍ରେମ, ସହଯୋଗ ଏବଂ ସମନ୍ବୟକୁ ସୁଦୃଢ଼ କରିଥାଏ । ଘରେ ସୌଭାଗ୍ୟ ଆଣିଥାଏ । ପରିବାର ଏବଂ ପିଲାମାନଙ୍କ ସହିତ ଭଲ ସମ୍ପର୍କର ପ୍ରତୀକ । ଏହା ବ୍ୟତୀତ ଏହି ମୂର୍ତ୍ତି ଧନ, ବ୍ୟବସାୟ ପ୍ରଗତିକୁ ଆକର୍ଷିତ କରି ସୁଖ ଓ ସମୃଦ୍ଧିର ଏବଂ ଧ୍ୟାନ ଏବଂ ମାନସିକ ଶାନ୍ତିର ପ୍ରତୀକ ଭାବରେ ବିବେଚନା କରାଯାଏ । ଏହାକୁ ସମସ୍ତ ପ୍ରକାରର ବାଧା ଦୂର କରିବା ଏବଂ ଇଚ୍ଛା ପୂରଣ କରିବାର ପ୍ରତୀକ ଭାବରେ ବିବେଚନା କରାଯାଏ ।
ଘରର ମୁଖ୍ୟ ଦ୍ୱାର ସମ୍ମୁଖରେ କିମ୍ବା ନିକଟରେ ଏକ ଟେବୁଲ ଉପରେ ଏହାକୁ ରଖିବା ଘରେ ସକାରାତ୍ମକ ଶକ୍ତି ପ୍ରବେଶକୁ ସ୍ୱାଗତ କରିବା ପାଇଁ ବହୁତ ଶୁଭ ବୋଲି ବିବେଚନା କରାଯାଏ । ମୂର୍ତ୍ତିର ଉଚ୍ଚତା ଭୂମିଠାରୁ ଅତି କମରେ ଆଖି ସ୍ତର ହେବା ଉଚିତ । ଯଦି ଆପଣଙ୍କର ବଗିଚା କିମ୍ବା ବାଲକୋନି ରହିଛି ତେବେ ସେଠାରେ ଏହି ମୂର୍ତ୍ତି ରଖିବା ଦ୍ବାରା ଶାନ୍ତିପୂର୍ଣ୍ଣ ଅନୁଭବ ହୋଇଥାଏ ।
କିନ୍ତୁ ଏହାକୁ କେବେ ବି ରୋଷେଇ ଘରେ, ଡାଇନିଂ ରୁମ କିମ୍ବା ଶୋଇବା ଘରେ ରଖିବା ଉଚିତ୍ ନୁହେଁ । ଏହାକୁ ସବୁବେଳେ ସଫା ରଖନ୍ତୁ । ଏହାକୁ ବାଥରୁମ ପାଖରେ ଥିବା କାନ୍ଥଠାରୁ ଦୂରେଇ ରଖିବାର ଚେଷ୍ଟା କରନ୍ତୁ ।