ଫୈସଲ ଖାନ୍ ଓରଫ ଖାନ୍ ସାରଙ୍କୁ ବଡ଼ ଆଶ୍ବସ୍ତି ,ତାଙ୍କ ଗିରଫଦାରୀକୁ ସ୍ଥଗିତ ରଖିଲେ ପାଟନା ଜିଲ୍ଲା ଜଜ୍

ପାଟନା ଜିଲ୍ଲା ଜଜ୍ ଫୈସଲ ଖାନ୍ ଓରଫ ଖାନ୍ ସାରଙ୍କୁ ବଡ଼ ଆଶ୍ବସ୍ତି ପ୍ରଦାନ କରିଛନ୍ତି । ୨ ଜୁନରେ ତାଙ୍କ କୋଚିଂ ଇନଷ୍ଟିଚ୍ୟୁଟରେ ଗୁଳିକାଣ୍ଡ ଘଟାଇବା ଅଭିଯୋଗରେ ଦାୟର ହୋଇଥିବା ମାମଲାରେ ତାଙ୍କ ଗିରଫଦାରୀ ଉପରେ ମଧ୍ୟ ସ୍ଥଗିତ ରଖିଛନ୍ତି  । ଜୁନ୍ ୨ ତାରିଖରେ ଖାନ ଗ୍ଲୋବାଲ ଷ୍ଟଡିଜରେ ହୋଇଥିବା ଗୁଳିକାଣ୍ଡ ଏବଂ ଭଙ୍ଗାରୁଜା ମାମଲା ସହିତ ଜଡିତ ସଂସ୍ଥାର ନିର୍ଦ୍ଦେଶକ ଫୈଜଲ ଖାନ ଓରଫ ଖାନ ସାରଙ୍କ ଆଗୁଆ ଜାମିନ ଆବେଦନର ଶୁଣାଣି କରି କୋର୍ଟ ଏହି ରାୟ ଦେଇଛନ୍ତି ।

ସୂଚନାନୁଯାୟୀ, ସୋମବାର ଦିନ ଉଭୟ ଗାର୍ଡଙ୍କ ଜାମିନ ଆବେଦନର ଶୁଣାଣି କରିଥିଲେ । ଯାହା ପରେ କୋର୍ଟକୁ ତାଙ୍କ ନିର୍ଦ୍ଦେଶକୁ ସୁରକ୍ଷିତ ରଖିଥିଲେ ଏବଂ ଦଣ୍ଡମୂଳକ କାର୍ଯ୍ୟାନୁଷ୍ଠାନକୁ ମଧ୍ୟ ସ୍ଥଗିତ ରଖିଥିଲେ ।

ଅନ୍ୟପଟେ ପାଟନାର ସିଭିଲ୍ କୋର୍ଟରେ ଅଭିଯୁକ୍ତ ପକ୍ଷର ଓକିଲ ଜ୍ଞାନ ବିନ୍ଦୁ ଖାନ୍ ସାରଙ୍କ ଜାମିନ୍ ଆବେଦନକୁ ବିରୋଧ କରି କହିଥିଲେ ଯେ,  ସେ ଉଦ୍ଦେଶ୍ୟମୂଳକ ଭାବେ ଗୁଳି ଚଳାଇବାକୁ ନିର୍ଦ୍ଦେଶ ଦେଇଥିଲେ । ପ୍ରଥମେ କୁହାଯାଇଥିଲା ଯେ, ଖାନ୍ ସାର କୋର୍ଟରେ ସରେଣ୍ଡର କରିବେ କିନ୍ତୁ ତାଙ୍କ ଓକିଲ ଆଗୁଆ ଜାମିନ୍ ପାଇଁ ଅନଲାଇନ୍ ଆବେଦନ କରିଥିଲେ । ଘଟଣାର ୫ ଦିନ ପରେ ପୋଲିସ୍ ଖାନ୍ ସାରଙ୍କ ନିକଟରେ ପହଞ୍ଚିଥିଲେ । ତାଙ୍କ ଠିକଣାକୁ ନେଇ ଲଗାତାର କଳ୍ପନାଜଳ୍ପନା ଜାରି ରହିଛି । କିନ୍ତୁ ଏହି ସମୟରେ ପୋଲିସ୍ ପକ୍ଷରୁ କୌଣସି ସୂଚନା ମିଳିନାହିଁ ।