ରାଜ୍ୟରେ ବଢ଼ିବାରେ ଲାଗିଛି AIDS ରୋଗୀଙ୍କ ସଂଖ୍ୟା

ରାଜ୍ୟରେ ବଢ଼ିବାରେ ଲାଗିଛି AIDS ରୋଗୀଙ୍କ ସଂଖ୍ୟା । ପ୍ରତିବର୍ଷ ନୂଆ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ, ଯୁବପିଢି଼ ଏବେ ଏହାର କବଳରେ । ଏବେ ଖୋଲାମେଲାରେ AIDS ରୋଗୀମାନେ ବୁଲୁଥିବାରୁ, ଏହି ରୋଗ କାହାକୁ କେତେବେଳେ ବ୍ୟାପିବ, ତାର ଠିକଣା ନାହିଁ ।ରାଜ୍ୟରେ ପୁରୁଷଙ୍କ ସହ ପୁରୁଷଙ୍କର ଆପ୍ରାକୃତିକ ଯୌନ ସମ୍ପର୍କ ଯୋଗୁ ଏଚଆଇଭି ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ରିପୋର୍ଟ ଆସିଛି । ତେବେ ସବୁଠୁ ଆଶ୍ଚର୍ଯ୍ୟର କଥା ହେଲା, ଏହି ସଂକ୍ରମିତଙ୍କ ଭିତରେ ସବୁଠୁ ଅଧିକ ଅଛନ୍ତି ଯୁବଗୋଷ୍ଠୀ । ରାଜ୍ୟ ସରକାର ୨୦୩୦ ସୁଦ୍ଧା ଓଡ଼ିଶାକୁ AIDS ମୁକ୍ତ କରିବାକୁ ଚାହୁଥିଲେ ବି, ଏହି ସଂଖ୍ୟା କିନ୍ତୁ କମିବାର ନା ଧରୁନି । ଯୁବଗୋଷ୍ଠୀ କୌଣସି ନା କୌଣସି ବାଟରେ AIDS କବଳରେ ଛନ୍ଦି ହେଉଥିବାବେଳେ, ସମଲିଙ୍ଗୀ ସମ୍ପର୍କ ଏହାର ଗୋଟିଏ ମୁଖ୍ୟ କାରଣ ବୋଲି ଜଣାପଡ଼ିଛି ।