ରାଜଧାନୀରେ ନିଆରା ଢ଼ୋଲ ତୋରଣ

ଆସୁଛି ମାଙ୍କ ପୂଜା । ନୂଆ ନୂଆ ମେଢ଼ ଦେଖିବା ପାଇଁ ଆପଣ ଅପେକ୍ଷା କରିଥିବେ ନିଶ୍ଚୟ । ତେବେ ଏଥର ନୂଆ ନୂଆ ତୋରଣ ଶ୍ରଦ୍ଧାଳୁଙ୍କ ଆକର୍ଷଣ କରିବ ।  ପୀଠରେ ଆଜି ମା’ ଦୁର୍ଗାଙ୍କ ସପ୍ତମୀ ପୂଜା ଚାଲିଥିବା ବେଳେ ବିଭିନ୍ନ ପୂଜାମଣ୍ଡପରେ ମାଙ୍କ ଷଷ୍ଠୀ ପୂଜା ଜାରି ରହିଛି।  ପୂଜା ମଣ୍ଡପଗୁଡ଼ିକରେ ମଧ୍ୟ ସ୍ବତନ୍ତ୍ର ପୂଜାର ଆୟୋଜନ ହୋଇଛି। ଭୁବନେଶ୍ବରର ବିଭିନ୍ନ ପୂଜାମଣ୍ଡପରେ ବି ମାଙ୍କର ପୂଜାର୍ଚ୍ଚନା ଚାଲିଛି। ରାଜଧାନୀରେ ପ୍ରତିବର୍ଷ ଭଳି ରସୁଲଗଡ଼, ନୟାପଲ୍ଲୀ, ଭିଏସଏସ ନଗର, ଷ୍ଟେସନ ଛକ, ବମିଖାଲ, ଲକ୍ଷ୍ମୀସାଗର, ଝାରପଡ଼ା ଆଦିରେ  ଦୁର୍ଗାପୂଜା କମିଟି ଚଳିତ ଥର ମଧ୍ୟ ମା’ଙ୍କ ପାଇଁ ଆକର୍ଷଣୀୟ ତୋରଣ ନିର୍ମାଣ କରିଛି। କେଉଁଠି ଢ଼ୋଲ ଆକୃତିର ଏହି ମେଢ଼ ବେଶ ସୁନ୍ଦର ଦିଶୁଛି ତ କେଉଁଠି ବଡ଼ ମଡ଼ ମନ୍ଦିର ଆକୃତିର ତୋରଣ ଆଖି ଝଲସାଇ ଦେଉଛି ।  ମା’ ମହିଷାମର୍ଦ୍ଦିନୀଙ୍କ ପାଇଁ ବୀର ସୁରେନ୍ଦ୍ର ସାଏ (ଭିଏସ୍ଏସ୍) ନଗର ପୂଜା କମିଟି ଭାରତୀୟ ପରଂପରାର ବାଦ୍ୟ ‘ଢ଼ୋଲ’କୁ ନେଇ ସ୍ବତନ୍ତ୍ର ମେଢ଼ ପ୍ରସ୍ତୁତ କରିଛି।