ଭାରତ-ଇଂଲଣ୍ଡ ଦିନିକିଆ ମ୍ଯାଚ ପାଇଁ ଟିକଟ ଦର ହ୍ରାସ

ବୈଠକ ପରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଶ୍ରୀ ସୂରଜ ବାରବାଟୀ ମ୍ୟାଚ୍‌ର ପ୍ରସ୍ତୁତିକୁ ନେଇ ଅନେକ ମହତ୍ତ୍ବପୂର୍ଣ୍ଣ ତଥ୍ୟ ପ୍ରଦାନ ଦେଇଥିଲେ। ଏହି ଅବସରରେ ଭାରତ-ଇଂଲଣ୍ଡ ମ୍ୟାଚ୍ ଟିକଟ ଦର କମିବାର ପ୍ରସ୍ତାବ ଥିବା ଘୋଷଣା କରିଥିଲେ। ସାଧାରଣ ଲୋକଙ୍କ ସ୍ବାର୍ଥକୁ ଆଖି ଆଗରେ ରଖି ବର୍ଦ୍ଧିତ ଟିକଟ ଦରର ପୁନର୍ବିଚାର କରିବାକୁ ଓଡ଼ିଶା କ୍ରିକେଟ୍ ସଂଘକୁ ପରାମର୍ଶ ଦେଇଥିବା ପ୍ରକାଶ କରିଥିଲେ | ସ୍ପେଶାଲ ଏନ୍‌କ୍ଲୋଜର ଏବଂ ଏସି ଗ୍ୟାଲେରି ବକ୍ସ ଟିକଟ‌ ଦର ପାଖାପାଖି ୧,୦୦୦ ଟଙ୍କା ତଳକୁ ଖସିବ। କିନ୍ତୁ କର୍ପୋରେଟ୍ ବକ୍ସ ଓ ନୁଆ ପ୍ୟାଭିଲିୟନ ଟିକଟ‌ ଦର ଅପରିବର୍ତ୍ତିତ ରହିବ। ଏହି ପ୍ରସ୍ତାବ ଚୂଡ଼ାନ୍ତ ରୂପ ନେଲେ ୧ ନମ୍ବର ଗ୍ୟାଲେରି ଟିକଟ ମୂଲ୍ୟ ୧୨୦୦ରୁ ୧୧୦୦, ୨ ନମ୍ବର ଗ୍ୟାଲେରି ଦର ୧,୦୦୦ରୁ ୯୦୦, ୩ ନମ୍ବର ଗ୍ୟାଲେରି ଦର ୧୨୦୦ରୁ ୧୧୦୦, ୪ ନମ୍ବର ଗ୍ୟା‌ଲେରି ଟିକେଟ ଦର ୧,୦୦୦ରୁ ୯୦୦, ୫ ନମ୍ବର ଗ୍ୟାଲେରି ଦର ୧୫୦୦ରୁ ୧୨୦୦ ଏବଂ ୭ ନମ୍ବର ଗ୍ୟାଲେରି ଟିକଟ ପାଇଁ ଦର୍ଶକଙ୍କୁ ୮୦୦ ପରିବର୍ତ୍ତେ ୭୦୦ ଟଙ୍କା ଖର୍ଚ୍ଚ କରିବାକୁ ପଡ଼ିବ।