ନନ୍ଦନକାନନ ବୁଲିଲେ 43 ହଜାର ପର୍ଯ୍ୟଟକ
ଆଜି ନନ୍ଦନକାନନ ପ୍ରାଣୀ ଉଦ୍ୟାନରେ ବର୍ଷ-୨୦୨୪ର ଶେଷ ରବିବାର ଅବସରରେ ଆଜି ପ୍ରବଳ ପର୍ଯ୍ୟଟକଙ୍କର ଭିଡ଼ ପରିଲକ୍ଷିତ ହୋଇଛି। ସରକାରୀ କାର୍ଯ୍ୟାଳୟ ସମେତ ଅନେକ ଘରୋଇ କଂପାନିର କାର୍ଯ୍ୟାଳୟ ଛୁଟି ଥିବାରୁ ହଜାର ହଜାର ଲୋକ ଆଜି ସକାଳ ୮ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ନନ୍ଦନକାନନରେ ବିତାଇଛନ୍ତି। ଏଠାରେ ପ୍ରବଳ ଭିଡ଼ ରହିଥିବାରୁ ସ୍ଥାନୀୟ ବ୍ୟବସାୟୀମାନେ ମଧ୍ୟ ଭଲ ରୋଜଗାର କରିଛନ୍ତି। ନନ୍ଦନକାନନ କର୍ତ୍ତୃପକ୍ଷ ତରଫରୁ ମିଳିଥିବା ସୂଚନା ଅନୁସାରେ ପ୍ରାଣୀ ଉଦ୍ୟାନରେ ଆଜି ୪୩ ହଜାର ୫୦୧ ଜଣ ପର୍ଯ୍ୟଟକ ବୁଲିଛନ୍ତି। ଫଳରେ ଏମାନଙ୍କ ଠାରୁ ମୋଟ୍ ୧୪ ଲକ୍ଷ ୨୬ ହଜାର ୬୪୦ ଟଙ୍କା ବିଭିନ୍ନ ଟିକେଟ୍ ହିସାବରେ ଆଦାୟ କରାଯାଇଛି। ଅନ୍ଲାଇନ୍ ମାଧ୍ୟମରେ ମୋଟ୍ ୩୪ ହଜାର ୭୮୭ଟି ଟିକେଟ୍ ବିକ୍ରି ହୋଇଥିଲା। ଏଥିରୁ ବୟସ୍କ ବ୍ୟକ୍ତି ୨୬ ହଜାର ୯୪୯ ଥିବା ବେଳେ ଶିଶୁ ସଂଖ୍ୟା ଥିଲା ୭୮୨୯ ଜଣ। ସେହିପରି ୯ ଜଣ ବିଦେଶୀ ନାଗରିକ ମଧ୍ୟ ଥିଲେ। ରୋପ୍ୱେର ମଜା ନେଇଥିଲେ ୩୯ ଜଣ ବୟସ୍କ ଓ ୫୭ ଜଣ ଶିଶୁ। ଅନ୍ଲାଇନ୍ ମାଧ୍ୟମରେ ୩ ହଜାର ଗୋଟିଏ ଟିକେଟ୍ ବିକ୍ରି ହୋଇଥିଲା। ସେଥିରୁ ୨୩୩୧ ଜଣ ବୟସ୍କ, ୬୭୦ ଜଣ ଶିଶୁ, ୮ଟି କ୍ୟାମେରା ଓ ୨ଟି ଏଚ୍ଡି କ୍ୟାମେରା ସାମିଲ ରହିଛି। ହ୍ବାଟ୍ସଆପ୍ ମାଧ୍ୟମରେ ମୋଟ୍ ୫୩୫୭ଟି ଟିକେଟ୍ ବିକ୍ରି ହୋଇଥିଲା। ୪୩୧୩ ବୟସ୍କ, ୧୦୩୭ ଶିଶୁ, ୭ ଜଣ ବିଦେଶୀ ନାଗରିକ, ୧୫ଟି କ୍ୟାମେରା ସାମିଲ ଥିଲା। ସେହିପରି ଆଜି ନନ୍ଦନକାନନକୁ ୨୬୯ ଜଣ ଦିବ୍ୟାଙ୍ଗ ବୁଲିବାକୁ ଯାଇଥିଲେ।