OdishaOpinionPolitics

ଟଙ୍କଧରଙ୍କ ପାଇଁ ପ୍ରଚାରକୁ ଓହ୍ଲାଇଲେ ଧର୍ମେନ୍ଦ୍ର, ଦୀପାଳିଙ୍କ ପାଇଁ ମୁଖ୍ୟମନ୍ତ୍ରୀ ଅପରାହ୍ନରେ କରିବେ ପ୍ରଚାର

ଝାରସୁଗୁଡ଼ା: ଝାରସୁଗୁଡ଼ା ପାଇଁ ଉପନିର୍ବାଚନ ପ୍ରଚାର ଶେଷ ପର୍ଯ୍ୟାୟରେ । ଆସନ୍ତା କାଲି ପ୍ରଚାର ସରୁଛି । 10 ରେ ଭୋଟ ଗ୍ରହଣ ହେବ । କୋଲାବିରାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାର ସଭା କରି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ।  ଟଙ୍କଧରଙ୍କ ପାଇଁ ଭୋଟ ମାଗିବା ସହ ନରେନ୍ଦ୍ର ମୋଦିଙ୍କ ଜିନ୍ଦାବାଦ ନାରା ଦେଇଥିଲେ ।  ରାଜ୍ୟରେ ବିପର୍ଯ୍ୟସ୍ତ ଆଇନ କାନୁନ ଉପରେ ଭୋଟରଙ୍କୁ ଆକୃଷ୍ଟ କରିଥିଲେ ।

ନବ ଦାସଙ୍କ ହତ୍ୟାକାରୀ କାହିଁକି ହତ୍ୟା କଲା ତାହାର ଉତ୍ତର ସରକାରଙ୍କୁ ଦେବାକୁ ପଡିବ ବୋଲି କହିଛନ୍ତି ।   ନିଜ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଜେପି ଏବଂ ବିଜେଡି ନେତାମାନେ ଏବେ ଝାରସୁଗୁଡ଼ାରେ ଡେରା ପକାଇଛନ୍ତି । ବିଜେଡି ନିଜ ଗଡ଼କୁ ସୁରକ୍ଷିତ ରଖିବା ପାଇଁ ବରିଷ୍ଠ ନେତାମାନଙ୍କୁ ଦାୟିତ୍ବ ଦେଇଛି । ମୁଖ୍ୟମନ୍ତ୍ରୀ ମଧ୍ୟ ଆଜି ଅପରାହ୍ନରେ ପ୍ରଚାର ମଇଦାନକୁ ଓହ୍ଲାଇ ଝାରସୁଗୁଡ଼ାବାସୀଙ୍କୁ ଭୋଟ ଦେବାକୁ ଅପିଲ କରିବେ । ତେଣୁ ରାଜନୀତି ମହଲରେ ଚର୍ଚା ହେଉଛି ଆଜି ଝାରସୁଗୁଡ଼ାରେ ହାଇଭୋଲଟେଜ୍‌ ପ୍ରଚାର ଦେଖିବାକୁ ମିଳିବ । ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ପାଇଁ ମଞ୍ଚ ପ୍ରସ୍ତୁତ ରହିଛି । ନବୀନଙ୍କ ପ୍ରଚାର ପାଇଁ ଝାରସୁଗୁଡ଼ା ଅମିଲିପାଲି ପଡ଼ିଆରେ ବିରାଟ ସମାବେଶର ଆୟୋଜନ କରାଯାଇଛି । ଅପରାହ୍ନ ୪ଟାରେ ଝାରସୁଗୁଡ଼ା ପୁରୁଣା ସର୍କିଟ୍‌ ହାଉସ୍‌ପଡ଼ିଆରେ ଜନ ସଭାକୁ ସମ୍ବୋଧନ କରିବେ ମୁଖ୍ୟମନ୍ତ୍ରୀ । ଏଥିପାଇଁ ଉତ୍ସାହିତ ଅଛନ୍ତି ଦଳୀୟ ନେତା ଓ କର୍ମୀ । ନବୀନଙ୍କୁ ଅପେକ୍ଷା କରି ରହିଛନ୍ତି । ଉପନିର୍ବାଚନରେ କେବଳ ବିଜୟ ନୁହେଁ, ବଡ଼ ମାର୍ଜିନରେ ଜିତିବାକୁ ଲକ୍ଷ୍ୟ ରଖିଛି ବିଜେଡି । ସେପଟେ  କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଆଜି ସାଧାରଣ ସଭା ଓ ରୋଡ ଶୋ କରି ଦଳୀୟ ପ୍ରାର୍ଥୀ ଟଙ୍କଧର ତ୍ରିପାଠୀଙ୍କ ପାଇଁ ଭୋଟ୍‌ ଅପିଲ୍‌ ଜାରି ରଖିଛନ୍ତି । ।