‘ନରସିଂହ ବାରାହି ବ୍ରିଗେଡ’ କାହିଁକି ଲଞ୍ଚ କଲେ ପଓ୍ବନ କଲ୍ୟାଣ!

ଦକ୍ଷିଣରେ ସନାତନ ଧର୍ମ ସୁରକ୍ଷା ପାଇଁ ଅଣ୍ଟା ଭିଡିଛନ୍ତି ପଓ୍ବନ କଲ୍ୟାଣ । ଏଥିପାଇଁ ସେ ଯୁବବାହିନୀ ଗଠନ କରିଛନ୍ତି ।  ଜଣାଶୁଣା ସୁପରଷ୍ଟାର ତଥା ଜନସେନା ପାର୍ଟି (ଜେଏସପି) ମୁଖ୍ୟ ଆନ୍ଧ୍ରପ୍ରଦେଶ ଉପମୁଖ୍ୟମନ୍ତ୍ରୀ ପୱନ କଲ୍ୟାଣ ତାଙ୍କ ଦଳ ମଧ୍ୟରେ ନରସିଂହ ବାରାହି ବ୍ରିଗେଡ ଗଠନ କରିଛନ୍ତି । ସନାତନ ଧର୍ମର ସୁରକ୍ଷା, ପ୍ରଚାର ପ୍ରସାର ପାଇଁ ଏହି ବ୍ରିଗେଡ଼ କାମ କରିବ । ଦକ୍ଷିଣରେ ସନାତନ ଧର୍ମର ଅବକ୍ଷୟ ଦିନକୁ ଦିନ ହେଉଥିବାରୁ  ସୁରକ୍ଷା ପାଇଁ ସେ ଏହି ନିଷ୍ପତ୍ତି ନେଇଥିବା କହିଛନ୍ତି ।
ପୱନ କଲ୍ୟାଣ କହିଛନ୍ତି ମୁଁ ସମସ୍ତ ଧର୍ମକୁ ସମ୍ମାନ କରେ, କିନ୍ତୁ ମୁଁ ମୋର ବିଶ୍ୱାସ ସନାତନ ଧର୍ମ ଉପରେ ଦୃଢ ଅଟେ। ଯେଉଁମାନେ ସନାତନ ଧର୍ମକୁ ସମାଲୋଚନା କରନ୍ତି କିମ୍ବା ସୋସିଆଲ ମିଡିଆରେ ଏହା ବିଷୟରେ ଅସମ୍ମାନ ଭାବରେ କଥା ହୁଅନ୍ତି, ଏହାର  ପରିଣାମର ସମ୍ମୁଖୀନ ହେବାକୁ ପଡିବ। ତେଣୁ, ମୁଁ ସନାତନ ଧର୍ମର ସୁରକ୍ଷା ପାଇଁ ନରସିଂହ ବାରାହି ବ୍ରିଗେଡ ଗଠନ କରିବାକୁ ନିଷ୍ପତ୍ତି ନେଇଛି ।