ଆଜି କର୍ଣ୍ଣାଟକ ନିର୍ବାଚନ ଫଳ;କିଏ ଗଢ଼ିବ ସରକାର?

ବେଙ୍ଗାଲୁରୁ: ଦକ୍ଷିଣରେ କାହାର ଉଡିବ ବାନା । କର୍ଣ୍ଣାଟକରେ କାହାର ହେବ ସରକାର । ନିଜ ସରକାର ବଜାୟ ରଖିପାରିବ କି ବିଜେପି? ନା କଂଗ୍ରେସ ସରକାର ଗଠନ କରିବ । ଏସବୁ ପ୍ରଶ୍ନର ଉତ୍ତର ଆଜି ମଧ୍ୟାହ୍ନ ସୁଦ୍ଧା ଜଣାପଡିବ । ୨୨୪ ଆସନ ବିଶିଷ୍ଟ କର୍ଣ୍ଣାଟକ ବିଧାନସଭାରେ କିଏ ମାରିବ ବାଜି ତାହାର  ନିର୍ବାଚନ ଫଳ ଆସିବ ଆଉ କିଛି ସମୟ ପରେ । ଏହି ନିର୍ବାଚନରେ ବିଜେପି, କଂଗ୍ରେସ ଏବଂ ଜେଡିଏସ୍‌ ମଧ୍ୟରେ ତ୍ରିକୋଣୀୟ ଲଢ଼େଇ ହେଉଛି।  କର୍ଣ୍ଣାଟକ ନିର୍ବାଚନ ଯୁଦ୍ଧରେ କିଏ ହେବ କିଙ୍ଗ ତାହା  ଭୋଟ୍‌ ଗଣତି ପରେ ଜଣାପଡିବ  । । ଅପରାହ୍ନ ଗୋଟାଏ ବେଳକୁ ପ୍ରାୟ ସମସ୍ତ ଆସନରୁ ସ୍ପଷ୍ଟ ଚିତ୍ର ଆସିଯିବ । ମୁଖ୍ୟମନ୍ତ୍ରୀ ବସବରାଜ ବୋମାଇ ବିଜେପିକୁ ସ୍ପଷ୍ଟ ସଂଖ୍ୟାଗରିଷ୍ଠତା ମିଳିବ ବୋଲି ଆକଳନ କରିଛନ୍ତି। ଅନ୍ୟପକ୍ଷେ କଂଗ୍ରେସ ମଧ୍ୟ ଜିତିବ ବୋଲି କଂଗ୍ରେସ ନେତା ଡିକେ ଶିବକୁମାର କହିଛନ୍ତି ।