ଏବେ କିଣିପାରିବେ ଶସ୍ତାରେ ଟିଭି: ଶସ୍ତା ହେବ ଟିଭି ଦେଖା

ଦେଶରେ ଟିଭି ଦେଖିବା ଅଧିକ ମହଙ୍ଗା ହୋଇଛି ବୋଲି ବାରମ୍ବାର ଅଭିଯୋଗ ହେବା ପରେ ଏହା କିପରି ଶସ୍ତା ହେବ ସେ ନେଇ ଆଲୋଚନା ଚାଲିଥିଲା । ଏବେ ଲାଇସେନ୍ସ ଶୁଳ୍କ ଆଉ ସରକାର ନେବେ ନାହିଁ । ଯାହା ଫଳରେ ଟିଭି ଦେଖିବା ପାଇଁ ଦିଆଯାଉଥିବା ଟଙ୍କା କମ ଦେବାକୁ ପଡିବ ।  କେବୁଲ ବିଲ୍ ପୈଠ କରିବାକୁ ଲୋକଙ୍କୁ ପ୍ରତିମାସରେ ବହୁ ପରିମାଣର ଅର୍ଥ ଖର୍ଚ୍ଚ କରିବାକୁ ପଡୁଛି। ଏପରି ପରିସ୍ଥିତିରେ ସ୍ୱଳ୍ପ ଆୟ କରୁଥିବା ଅନେକ ଲୋକ ସେମାନଙ୍କର କେବୁଲ୍ ସଂଯୋଗ ବିଚ୍ଛିନ୍ନ କରିଦେଉଛନ୍ତି । ଏବେ ବହୁତ କମ୍ ଟଙ୍କା ଦେଇ ସେମାନଙ୍କର ଡିଟିଏଚ୍ ଏବଂ କେବୁଲ୍ ଟିଭି ରିଚାର୍ଜ କରିପାରିବେ। କାରଣ, ଭାରତୀୟ ଟେଲିକମ୍ ନିୟାମକ କର୍ତ୍ତୃପକ୍ଷ (ଟ୍ରାଇ) ଆଗାମୀ ଦିନରେ ଡିଟିଏଚ୍ ଲାଇସେନ୍ସ ଶୁଳ୍କ ରଦ୍ଦ କରିବାକୁ କେନ୍ଦ୍ର ସରକାରଙ୍କୁ ସୁପାରିଶ କରିଛି। ଏଭଳି ପରିସ୍ଥିତିରେ କୁହାଯାଉଛି ଯେ ଯଦି କେନ୍ଦ୍ର ସରକାର ଟ୍ରାଇର ସୁପାରିଶକୁ ଅନୁମୋଦନ କରନ୍ତି, ତେବେ ଦେଶରେ କେବୁଲ ବିଲ୍ ବହୁତ ଶସ୍ତା ହୋଇଯିବ।