ରାଜ୍ୟର ମେଡିକାଲ କଲେଜ ଆଣ୍ଡ ହସ୍ପିଟାଲରେ ନିଯୁକ୍ତି

ବର୍ତ୍ତମାନ ସମୟରେ ଓଡ଼ିଶା କର୍ମଚାରୀ ଚୟନ ଆୟୋଗ (ଓଏସଏସସି), ଓଡ଼ିଶା ଅଧସ୍ତନ କର୍ମଚାରୀ ଚୟନ ଆୟୋଗ (ଓଏସଏସଏସସି) ପକ୍ଷରୁ ବିଭିନ୍ନ ପଦ ପାଇଁ ନିଯୁକ୍ତି ପ୍ରକ୍ରିୟା ଜାରି ରହିଛି ।ତେବେ ଏହା ମଧ୍ୟରେ ଚାକିରି ଆଶାୟୀଙ୍କ ପାଇଁ ଆସିଛି ପୁଣି ଏକ ଖୁସି ଖବର । ରାଜ୍ୟର ବିଭିନ୍ନ ମେଡିକାଲ କଲେଜ ଆଣ୍ଡ ହସ୍ପିଟାଲଗୁଡ଼ିକରେ ପୂରଣ ହେବ ପ୍ରଫେସର ଓ ଆସୋସିଏଟ୍ ଅଧ୍ୟାପକ ପଦ । ଏନେଇ ଡାକ୍ତରୀ ଶିକ୍ଷା ଓ ତାଲିମ୍ ନିର୍ଦ୍ଦେଶାଳୟ (ଡିଏମଇଟି) ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଠିକା ବା ଡେପୁଟେସନରେ ଏହି ନିଯୁକ୍ତି ଦିଆଯିବା ସହିତ ମେଡିକାଲ କାଉନସିଲ ଅଫ୍ ଇଣ୍ଡିଆ ଓ ନ୍ୟାସନାଲ ମେଡିକାଲ କମିଶନ ସର୍ତ୍ତ ଅନୁଯାୟୀ ସମସ୍ତ ନିଯୁକ୍ତି ଦିଆଯିବ ବୋଲି କୁହାଯାଇଛି ।ରାଜ୍ୟରେ ପ୍ରଫେସର ଓ ଆସୋସିଏଟ୍ ଅଧ୍ୟାପକ ପଦ ପୂରଣ ନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ପଦକ୍ଷେପ ଆରମ୍ଭ କରାଯାଇଥିବା ବେଳେ ୧୫ ଜଣ ପ୍ରଫେସର ଓ ୧୦ ଜଣ ଆସୋସିଏଟ ପ୍ରଫେସରଙ୍କୁ ବିଭିନ୍ନ ମେଡିକାଲ କଲେଜକୁ ଟ୍ରାନ୍ସଫର କରାଯାଇଛି । ୧୫ ଜଣ ପ୍ରଫେସରଙ୍କୁ ପୁରୀ ଏସଜେ ମେଡିକାଲ କଲେଜ, ଏସସିବି ମେଡିକାଲ କଲେଜ, ଯାଜପୁର ଜେକେ ମେଡିକାଲ କଲେଜକୁ ବଦଳି କରାଯାଇଛି ।