ବଡ଼ ପରଦାରେ ଧମାକା କରିବାକୁ ପ୍ରସ୍ତୁତ ଆକ୍ସନ୍ ଷ୍ଟାର୍ ଟାଇଗର ଶ୍ରଫ୍,ନୂଆ ଆକ୍ସନ୍ ଫିଲ୍ମ ପାଇଁ ଟାଇଗର ଶ୍ରଫ୍, ନିର୍ଦ୍ଦେଶକ ରେମୋ ଡି’ସୁଜା ଏବଂ ପ୍ରଯୋଜକ ନୀରଜ ତିୱାରୀ ଏକାଠି

ବଲିଉଡ୍ର ଆକ୍ସନ୍ ଷ୍ଟାର୍ ଭାବେ ପରିଚିତ ଟାଇଗର ଶ୍ରଫ୍ ପୁଣିଥରେ ବଡ଼ ପରଦାରେ ଧମାକା କରିବାକୁ ପ୍ରସ୍ତୁତ ହେଉଛନ୍ତି । ନୂଆ ଆକ୍ସନ୍ ଫିଲ୍ମ ପାଇଁ ଟାଇଗର ଶ୍ରଫ୍, ନିର୍ଦ୍ଦେଶକ ରେମୋ ଡି’ସୁଜା ଏବଂ ପ୍ରଯୋଜକ ନୀରଜ ତିୱାରୀ ଏକାଠି ହୋଇଛନ୍ତି। ଏହା ଏକ ବଡ ପ୍ରୋଜେକ୍ଟ ଯାହାକୁ ନେଇ ସମସ୍ତେ ବହୁତ ଉତ୍ସାହିତ ଅଛନ୍ତି । ବର୍ତ୍ତମାନ ଫିଲ୍ମର ନିର୍ମାଣ କାମ ଆରମ୍ଭ ହୋଇଥିବା ଖବର ସାମ୍ନାକୁ ଆସିଛି। ମୁମ୍ବାଇ ଫିଲ୍ମ ଇଣ୍ଡଷ୍ଟ୍ରିରେ ଆକ୍ସନ୍ ଓ ଡ୍ୟାନ୍ସ ପାଇଁ ନିଜର ଅଲଗା ପରିଚୟ ତିଆରି କରିଥିବା ଟାଇଗର ଶ୍ରଫ୍ ଏହି ଫିଲ୍ମରେ ଏକ ନୂଆ ଅବତାରରେ ଦର୍ଶକଙ୍କ ସାମ୍ନାକୁ ଆସିବେ। ଫିଲ୍ମରେ ଭରପୂର ଆକ୍ସନ୍, ଭିଜୁଆଲ୍ ଇଫେକ୍ଟସ୍ ଏବଂ ଭାବନାପୂର୍ଣ୍ଣ କାହାଣୀ ରହିଥିବା ନେଇ ଜଣାପଡ଼ିଛି।ରେମୋ ଡି’ସୁଜାଙ୍କ ନିର୍ଦ୍ଦେଶନାରେ ଆସୁଥିବା ଏହି ପ୍ରୋଜେକ୍ଟକୁ ବଡ଼ ରେଞ୍ଜରେ ପ୍ରସ୍ତୁତ କରାଯାଉଛି। ଟାଇଗରଙ୍କ ଆକ୍ସନ୍ ଷ୍ଟାଇଲ୍ ଏବଂ ରେମୋଙ୍କ ଭିଜୁଆଲ୍ ଡାଇରେକ୍ସନର ମିଶ୍ରଣ ଦର୍ଶକଙ୍କ ପାଇଁ ନୂଆ ଅନୁଭୂତି ଆଣିପାରେ ବୋଲି ଚର୍ଚ୍ଚା ହେଉଛି। ଏହା ସହିତ ବଲିଉଡ୍ ଆକ୍ସନ୍ ଫିଲ୍ମ ପ୍ରତି ଦର୍ଶକଙ୍କ ଆଗ୍ରହ ପୁଣି ବଢ଼ୁଥିବା ଦେଖାଯାଉଛି। ଟାଇଗରଙ୍କ ଏହି ନୂଆ ଫିଲ୍ମ ତାଙ୍କ କ୍ୟାରିୟରରେ ଆଉ ଏକ ବଡ଼ ମାଇଲଷ୍ଟୋନ୍ ହେବ କି ନାହିଁ, ତାହା ଫିଲ୍ମ ରିଲିଜ୍ ପରେ ଜଣାପଡ଼ିବ।