ହସ୍ପିଟାଲରେ ହିରୋ ନମ୍ବର ୱାନ୍’ ଗୋବିନ୍ଦା, ଜାଣନ୍ତୁ କାରଣ

ବଲିଉଡର ‘ହିରୋ ନମ୍ବର ୱାନ୍’ ଗୋବିନ୍ଦା ଏବେ ତାଙ୍କ ପର୍ସନାଲ୍ ଲାଇଫକୁ ନେଇ ଲଗାତାର ଲାଇମଲାଇଟରେ ଅଛନ୍ତି। ବିଶେଷ କରି ପତ୍ନୀ ସୁନୀତା ଆହୁଜାଙ୍କ ସହ ତାଙ୍କ ବ୍ୟକ୍ତିଗତ ସମ୍ପର୍କକୁ ନେଇ ଗତ କିଛି ସମୟ ଧରି ବିଭିନ୍ନ ଗଣମାଧ୍ୟମରେ ଖବର ସାମ୍ନାକୁ ଆସୁଛି । ଆଉ ଏହାରି ଭିତରେ ଏବେ ଅଭିନେତା ଗୋବିନ୍ଦାଙ୍କୁ ନେଇ ଆସିଛି ଏକ ଚିନ୍ତାଜନକ ଖବର । ଗତ କିଛି ଦିନ ହେବ ପତ୍ନୀ ସୁନୀତାଙ୍କ ସହ ତାଙ୍କ ସମ୍ପର୍କ ଭଲ ନଥିବା ବେଳେ ଏବେ ଗୋବିନ୍ଦାଙ୍କୁ ହସ୍ପିଟାଲ୍ ବାହାରେ ଦେଖିବାକୁ ମିଳିଛି। ତାଙ୍କୁ ହସ୍ପିଟାଲ୍ ଯାଉଥିବା ଦେଖି ଫ୍ୟାନ୍ସଙ୍କ ମନରେ ଚିନ୍ତା ବଢ଼ିଯାଇଛି।

ଗତକାଲି ସକାଳେ ମୁମ୍ବାଇର ଜୁହୁ ଠାରେ ଥିବା ଏକ ହସ୍ପିଟାଲ ତଳେ ଛିଡା ହୋଇଥିବା ଦେଖିବାକୁ ମିଳିଥିଲା । ତେବେ ଗୋବିନ୍ଦା କାହିଁକି ହସ୍ପିଟାଲ୍ ଯାଇଥିଲେ ଏନେଇ ଫ୍ୟାନ୍ସଙ୍କ ମନରେ ପ୍ରଶ୍ନ ।ଗୋବିନ୍ଦାଙ୍କୁ ହସ୍ପିଟାଲ୍ ଯାଉଥିବାର ଏକ ଭିଡିଓ ମଧ୍ୟ ସୋସିଆଲ୍ ମିଡିଆରେ ଚର୍ଚ୍ଚାକୁ ଆସିଛି। ଭିଡିଓରେ ଗୋବିନ୍ଦାଙ୍କୁ ହସ୍ପିଟାଲ୍ ପରିସରରେ ଚାଲିକି ଯାଉଥିବାର ଦେଖାଯାଇଛି । ତେବେ ଗୋବିନ୍ଦା ହସ୍ପିଟାଲ୍ କାହିଁକି ଯାଇଥିଲେ, ତାଙ୍କ ସ୍ୱାସ୍ଥ୍ୟ ସମ୍ପର୍କରେ କଣ ସମସ୍ୟା ରହିଛି କିମ୍ବା ସେ କୌଣସି ଚିକିତ୍ସା ପାଇଁ ଯାଇଥିଲେ କି ନାହିଁ, ସେନେଇ ସ୍ପଷ୍ଟ ତଥ୍ୟ ସାମ୍ନାକୁ ଆସିନାହିଁ । ତେଣୁ କେବଳ ଭିଡିଓ ଆଧାରରେ ତାଙ୍କ ସ୍ୱାସ୍ଥ୍ୟକୁ ନେଇ କୌଣସି ନିଷ୍କର୍ଷରେ ପହଞ୍ଚିବା ଠିକ୍ ନୁହେଁ । ଗତ କିଛିଦିନ ତଳେ ମଧ୍ୟ କୌଣସି ବ୍ୟକ୍ତିଗତ କାରଣରୁ ପତ୍ନୀ ସୁନୀତା ପୁଅ ୟଶବର୍ଦ୍ଧନଙ୍କ ସହ ଫ୍ୟାମିଲି କୋର୍ଟକୁ ଯାଇ ନିଜ ଛାଡପତ୍ର ମାମଲାକୁ ଫେରାଇ ନେଇଛନ୍ତି ।ଅନ୍ୟପଟେ, ଗୋବିନ୍ଦା ଓ ସୁନୀତା ଆହୁଜାଙ୍କ ବୈବାହିକ ଜୀବନକୁ ନେଇ ମଧ୍ୟ ଅନେକ ଆଲୋଚନା ହେଉଛି। ଦୁହିଁଙ୍କ ମଧ୍ୟରେ ମତଭେଦ ଥିବା ନେଇ ବିଭିନ୍ନ ରିପୋର୍ଟ ଆସୁଥିଲେ ମଧ୍ୟ, ତାଙ୍କ ବ୍ୟକ୍ତିଗତ ସମ୍ପର୍କ ସମ୍ପର୍କରେ ଆସୁଥିବା ପ୍ରତ୍ୟେକ ଦାବିକୁ ସତ୍ୟ ବୋଲି ଧରିନେବା ଠିକ୍ ନୁହେଁ । ଗୋବିନ୍ଦା ଓ ସୁନୀତା ଦୀର୍ଘ ବର୍ଷ ଧରି ବୈବାହିକ ଜୀବନ ବିତାଇ ଆସୁଛନ୍ତି। ସେମାନଙ୍କର ଦୁଇ ସନ୍ତାନ ମଧ୍ୟ ଅଛନ୍ତି। ଏବେ ଗୋବିନ୍ଦାଙ୍କ ହସ୍ପିଟାଲ୍ ଯିବା ଭିଡିଓ ଭାଇରାଲ୍ ହେବା ପରେ ଫ୍ୟାନ୍ସ ତାଙ୍କ ସ୍ୱାସ୍ଥ୍ୟ ବିଷୟରେ ଅଧିକ ଜାଣିବାକୁ ଚାହୁଁଛନ୍ତି। ତେବେ ଅଭିନେତାଙ୍କ ପକ୍ଷରୁ ଏନେଇ କୌଣସି ପ୍ରତିକ୍ରିୟା ମିଳିନାହିଁ । ପତ୍ନୀ ସୁନୀତା ଆହୁଜାଙ୍କ ସହ ସମ୍ପର୍କକୁ ନେଇ ଚର୍ଚ୍ଚା ମଧ୍ୟରେ ଗୋବିନ୍ଦାଙ୍କ ହସ୍ପିଟାଲ୍ ଯିବା ଖବର ନିଶ୍ଚିତ ଭାବେ ଫ୍ୟାନ୍ସଙ୍କ ଚିନ୍ତା ବଢ଼ାଇଛି । ତେବେ ତାଙ୍କ ସ୍ୱାସ୍ଥ୍ୟ ସମ୍ପର୍କରେ ସ୍ପଷ୍ଟ ସୂଚନା ନ ଆସିବା ପର୍ଯ୍ୟନ୍ତ କିଛି କହିବା କଷ୍ଟକର ।