କଶ୍ମୀରରେ ଅପହୃତ ଯବାନଙ୍କୁ ହତ୍ୟା

ଜମ୍ମୁ କଶ୍ମୀରର ଅନନ୍ତନାଗ ଜିଲ୍ଲାରେ ଆତଙ୍କବାଦୀଙ୍କ ଦ୍ବାରା ଅପହୃତ ହୋଇଥିଲେ  ଭାରତୀୟ ସେନାର ୨ ଜଣ ଯବାନ|ସୌଭାଗ୍ୟବଶତଃ ଆତଙ୍କବାଦୀଙ୍କ କବଳରୁ ଜଣେ ଯବାନ ଖସି ଆସିବାରେ ସକ୍ଷମ ହୋଇଥିଲେ| ଆଉ ଜଣେ ଜବାନଙ୍କର ଆଜି ଗୁଳିବିଦ୍ଧ ମୃତଦେହ ମିଳିଛି। ସହିଦ ଯବାନ ହିଲାଲ୍‌ ଅହମଦ ଭଟଙ୍କ ମର ଶରୀର ଆଜି ଅନନ୍ତନାଗର ପଥ୍ରିବଲ୍‌ ଅଞ୍ଚଳରୁ ମିଳିବା ପରେ ଉକ୍ତ ଅଂଚଳରେ ସର୍ଚ୍ଚ ଅପରେସନ ତ୍ବରାନ୍ବିତ ହୋଇଛି। ଗତକାଲି ଭାରତୀୟ ସେନା ଏବଂ ଜମ୍ମୁ କଶ୍ମୀର ପୁଲିସର ଏକ ମିଳିତ ଟିମ୍‌ ଦ୍ବାରା ଅନନ୍ତନାଗ ଜିଲ୍ଲାର କାଜୱାନ ଜଙ୍ଗଲ ଅଞ୍ଚଳରେ ଆତଙ୍କବାଦୀ ନିରୋଧ ଅପରେସନ୍‌ ସମୟରେ ୨ ଜଣ ଯବାନଙ୍କୁ ଆତଙ୍କବାଦୀମାନେ ଅପହରଣ କରିନେଇଥିଲେ।  ସେମାନେ ଟେରିଟୋରିଆଲ ସେନାର ୧୬୧ ୟୁନିଟ୍‌ର  ଥିଲେ ।ଘଟଣାରେ ସମ୍ପୃକ୍ତ ଆତଙ୍କବାଦୀଙ୍କୁ ଠାବ କରିବାପାଇଁ ସେନା ଏବଂ ଜମ୍ମୁ କଶ୍ମୀର ପୁଲିସ ଦ୍ବାରା ବଡ଼ ଧରଣର ଅପରେସନ୍‌ ଜାରି ରହିଛି |