୧୯ ମାର୍ଚ୍ଚରୁ ଆରମ୍ଭ ହେବ ଚୈତ୍ର ନବରାତ୍ରି , ଆସନ୍ତୁ ଜାଣିବା ଦେବୀ ଦୁର୍ଗାଙ୍କ ନଅ ଟି ନାମ

ହିନ୍ଦୁ ଧର୍ମରେ ଚୈତ୍ର ନବରାତ୍ରିର ବିଶେଷ ମହତ୍ତ୍ୱ ରହିଛି । ଦେବୀ ମାତାଙ୍କ ଭକ୍ତମାନେ ବର୍ଷସାରା ଏହି ପବିତ୍ର ପର୍ବକୁ ଅପେକ୍ଷା କରନ୍ତି । ଚୈତ୍ର ନବରାତ୍ରି ମଧ୍ୟ ହିନ୍ଦୁ ନବବର୍ଷର ଆରମ୍ଭକୁ ଚିହ୍ନିତ କରେ । ଏହି ନଅଟି ପବିତ୍ର ଦିନରେ, ଭକ୍ତମାନେ ଦୁର୍ଗାଙ୍କ ନଅଟି ରୂପର ପୂଜା କରନ୍ତି ଏବଂ ଦେବୀଙ୍କୁ ପୂଜା କରିବା ପାଇଁ ଉପବାସ ରଖନ୍ତି । ଏହା ବିଶ୍ୱାସ କରାଯାଏ ଯେ ସଚ୍ଚା ହୃଦୟରେ କରାଯାଇଥିବା ପୂଜା ଜୀବନରେ ସୁଖ, ସମୃଦ୍ଧି, ଶକ୍ତି ଏବଂ ସକାରାତ୍ମକ ଶକ୍ତି ଆଣିଥାଏ । ୨୦୨୬ ରେ, ଚୈତ୍ର ନବରାତ୍ରି ୧୯ ମାର୍ଚ୍ଚରୁ ଆରମ୍ଭ ହେବ ଏବଂ ୨୭ ମାର୍ଚ୍ଚ, ୨୦୨୬ ପର୍ଯ୍ୟନ୍ତ ଚାଲିବ। ଏହି ବର୍ଷ, ନବରାତ୍ରି ନଅ ଦିନ ଧରି ଚାଲିବ, ରାମ ନବମୀ ସହିତ ଶେଷ ହେବ ।

ହିନ୍ଦୁ କ୍ୟାଲେଣ୍ଡର ଅନୁସାରେ, ଚୈତ୍ର ମାସର ଶୁକ୍ଳ ପକ୍ଷର ପ୍ରତିପଦା ତିଥିରେ ଚୈତ୍ର ନବରାତ୍ରି ଆରମ୍ଭ ହୁଏ । ଏହା ବିଶ୍ୱାସ କରାଯାଏ ଯେ ଶୁଭ ସମୟରେ କଳଶ ସ୍ଥାପନ କରିବା ଦ୍ୱାରା ଘରେ ସୁଖ, ସମୃଦ୍ଧି ଏବଂ ସକାରାତ୍ମକ ଶକ୍ତି ଆସିଥାଏ । ଏହି ସମୟରେ ମାଟି ପାତ୍ରରେ ଯବ ବୁଣିବାର ପରମ୍ପରା ମଧ୍ୟ ମଧ୍ୟ ପାଳନ କରାଯାଏ ।

ଏଥିସହ ଜାଣିରଖନ୍ତୁ ନବରାତ୍ରିର ନଅ ଦିନ ମଧ୍ୟରେ, ଦେବୀ ଦୁର୍ଗାଙ୍କ ନଅଟି ରୂପକୁ ପୂଜା କରାଯାଏ, ଯାହାକୁ ନବଦୁର୍ଗା କୁହାଯାଏ । ତେବେ ଆସନ୍ତୁ ଜଣିବା ଏହାର ନାମ ଗୁଡିକ କ’ଣ?

୧୯ ମାର୍ଚ୍ଚ – ମା ଶୈଳପୁତ୍ରି
୨୦ ମାର୍ଚ୍ଚ – ମା ବ୍ରହ୍ମଚାରିଣୀ
୨୧ ମାର୍ଚ୍ଚ – ମା ଚନ୍ଦ୍ରଭାଗା
୨୨ ମାର୍ଚ୍ଚ – ମା କୁଷ୍ମାଣ୍ଡା
୨୩ ମାର୍ଚ୍ଚ – ମା ସ୍କନ୍ଦମାତା
୨୪ ମାର୍ଚ୍ଚ – ମା କାତ୍ୟାୟନୀ
୨୫ ମାର୍ଚ୍ଚ – ମା କାଳରାତ୍ରି
୨୬ ମାର୍ଚ୍ଚ – ଦେବୀ ମହାଗୁରୀ (ଦୁର୍ଗା ଅଷ୍ଟମୀ)
୨୭ ମାର୍ଚ୍ଚ- ମା ସିଦ୍ଧିଦାତ୍ରୀ (ରାମ ନବମି)

ପୂଜା ପଦ୍ଧତି:
ସକାଳେ ସ୍ନାନ ପରେ ପୂଜାସ୍ଥଳକୁ ସଫା କରନ୍ତୁ । କାଠ ମଞ୍ଚ ଉପରେ ଏକ ଲାଲ କପଡା ବିଛାଇ ଦିଅନ୍ତୁ। ଏକ ମାଟି ପାତ୍ରରେ ଯବ ବୁଣନ୍ତୁ ଏବଂ ସେଥିରେ ପାଣି ଭର୍ତ୍ତି ପାତ୍ର ରଖନ୍ତୁ । ପାତ୍ର ଉପରେ ନଡ଼ିଆ ଏବଂ ଆମ୍ବ ପତ୍ର ରଖନ୍ତୁ । ଦେବୀଙ୍କ ପ୍ରତିମା କିମ୍ବା ଚିତ୍ର ସ୍ଥାପନ କରନ୍ତୁ । ରୋଲି, ଚାଉଳ ଦାନା, ଫୁଲ, ଧୂପ ଏବଂ ଦୀପ ସହିତ ପୂଜା କରନ୍ତୁ । ଦୁର୍ଗା ଚାଳିଶା ଏବଂ ଦୁର୍ଗା ସପ୍ତଶତୀ ପାଠ କରନ୍ତୁ । ଅନେକ ଭକ୍ତ ସମ୍ପୂର୍ଣ୍ଣ ନଅ ଦିନ ପାଇଁ ଉପବାସ ମଧ୍ୟ କରନ୍ତି ।

ଚୈତ୍ର ନବରାତ୍ରିକୁ ବସନ୍ତ ଋତୁର ପର୍ବ ଭାବରେ ମଧ୍ୟ ବିବେଚନା କରାଯାଏ । ଏହା ପ୍ରକୃତିରେ ନୂଆ ଜୀବନ ଏବଂ ଶକ୍ତିର ଆଗମନର ପ୍ରତୀକ । ଧାର୍ମିକ ବିଶ୍ୱାସ ଅନୁଯାୟୀ ଏହି ଦିନଗୁଡ଼ିକରେ ଦେବୀ ଦୁର୍ଗାଙ୍କୁ ପୂଜା କରିବା ଦ୍ୱାରା ମନସ୍କାମନା ପୂରଣ ହୁଏ ଏବଂ ସୁଖ, ସମୃଦ୍ଧି ଆଣେ ।