‘ଦୈତ୍ୟ’ ହେଲା ଜାଗ୍ରତ

ବୈଜ୍ଞାନିକମାନେ ଚେତାବନୀ ଦେଇସାରିଲେଣି, ଯାହାକୁ ନେଇ ଚିନ୍ତା ଆହୁରି ବଢ଼ିବାରେ ଲାଗିଛି । ଏଠାରେ ଆମେ ଆର୍କଟିକ୍ ଆଇସ୍ କ୍ୟାପ୍ ବିଷୟରେ କହୁଛୁ । ବୈଜ୍ଞାନିକମାନେ କହିଛନ୍ତି ଯେ ପ୍ରାୟ ପଚାଶ ହଜାର ବର୍ଷ ପୂର୍ବେ ଆର୍କଟିକର ବିଶାଳ ହିମଖଣ୍ଡ ତଳେ ଜୋମ୍ବି ଜୀବାଣୁ ପୋତି ହୋଇଥିଲା । ବର୍ତ୍ତମାନ ସେମାନେ ବିନାଶ ପାଇଁ ମୁଣ୍ଡ ଉଠାଉଛନ୍ତି । ଦି ଗାର୍ଡିଆନଙ୍କ ରିପୋର୍ଟ ଅନୁଯାୟୀ, ଏହି ଜୀବାଣୁ ବିଶ୍ୱ ସ୍ତରରେ ବିନାଶ ଘଟାଇପାରେ ।
ବୈଜ୍ଞାନିକମାନେ କହିଛନ୍ତି ଯେ, ବିଶ୍ୱ ତାପମାତ୍ରା ଯୋଗୁଁ ବରଫ ତରଳି ଯାଉଛି । ସେଥିପାଇଁ ଚିନ୍ତା ବଢ଼ିଚାଲିଛି । ଗତ ବର୍ଷ ସାଇବରିଆର କିଛି ଅଞ୍ଚଳରୁ ନମୁନା ନିଆଯାଇଥିଲା । ସେହି ନମୁନାଗୁଡିକରୁ ଜଣାପଡିଛି ଯେ, ଯେଉଁ ଜୋମ୍ବି ଜୀବାଣୁ ହଜାରେ ବର୍ଷ ଧରି ବରଫ ତଳେ ପୋତି ହୋଇଥିଲେ, ସେମାନେ ଏବେ ଧୀରେ ଧୀରେ ସକ୍ରିୟ ହେବାକୁ ଯାଉଛନ୍ତି । ମାର୍ସେଲ ବିଶ୍ୱବିଦ୍ୟାଳୟର ଜେନେଟିକ ବିଶେଷଜ୍ଞ ଜାନ-ମିସେଲ କ୍ଲାଭେରୀ କହିଛନ୍ତି ଯେ, ପ୍ରଥମେ ସେମାନେ ପୃଥିବୀର ଦକ୍ଷିଣ ଅଞ୍ଚଳରୁ ଧ୍ୱଂସାବଶେଷ ଆରମ୍ଭ କରିବେ ଏବଂ ଧୀରେ ଧୀରେ ଉତ୍ତର ଅଞ୍ଚଳ ପ୍ରଭାବିତ ହେବ । ତଥାପି, ଏକ ସିଦ୍ଧାନ୍ତ ମଧ୍ୟ ଅଛି ଯେ ସେମାନେ ପ୍ରଥମେ ପୃଥିବୀର ଉତ୍ତର ଭାଗରେ ଧ୍ୱଂସ କରିବେ ଏବଂ ପରେ ପୃଥିବୀର ଦକ୍ଷିଣ ଭାଗକୁ ନିଜ କବଜାକୁ ନେବେ । ଏହାର ଅର୍ଥ ହେଉଛି ଉତ୍ତର ହେଉ କି ଦକ୍ଷିଣ, ବିପଦ ବହୁତ ବଡ ।ରୋଟେରଡାମ୍ ଭିତ୍ତିକ ଏରାସମସ୍ ମେଡିକାଲ୍ ସେଣ୍ଟରର ମାରିଅନ୍ କୁପମ୍ୟାନ୍ ମଧ୍ୟ ଜିନ-ମିସେଲ କ୍ଲାଭେରୀଙ୍କ ସହ ସହମତ ଅଟନ୍ତି । ସେ କହିଛନ୍ତି ଯେ, ବରଫ ତଳେ କେଉଁ ଜୀବାଣୁ ପୋତି ହୋଇ ରହିଛନ୍ତି ଆମେ ଜାଣି ନାହୁଁ । କିନ୍ତୁ ଗୋଟିଏ କଥା ନିଶ୍ଚିତ ଯେ ଏହି ଭୂତାଣୁ ବିଶ୍ୱରେ ବ୍ୟାପକ ପରିମାଣରେ ବିପଦ ସୃଷ୍ଟି କରିପାରେ । ସେ ପୋଲିଓ ବିଷୟରେ କହିଥିଲେ । ୨୦୧୪ ରେ, ଜିନ ମିସେଲ କ୍ଲାଭେରି ସାଇବରିଆରେ ବରଫ ତଳେ ପୋତି ହୋଇଥିବା ଜୀବାଣୁ ଉପରେ ଗବେଷଣା କରିଥିଲେ ।