ଜାଣନ୍ତୁ କେଉଁ ରାଶିଙ୍କ ପାଇଁ ଖୁବ୍ ଶୁଭ ଏବର୍ଷର ଶିବରାତ୍ରୀ
ମହାଶିବରାତ୍ରୀ ହିନ୍ଦୁ ପରମ୍ପରାର ବଡ ପର୍ବ। ଏହି ପର୍ବ ଚର୍ତୁଦଶୀ ତିଥିରେ ପାଳନ କରାଯାଏ। ମାନ୍ୟତା ଅନୁଯାୟୀ,ଏହି ଦିନ ଭଗବାନ ଶିବ ଓ ମା’ପାର୍ବତୀଙ୍କ ବିବାହ ହୋଇଥିଲା। ଚଳିତ ବର୍ଷର ମହାଶିବରାତ୍ରୀ ୨୬ ଫେବୃଆରୀ ବୁଧବାର ପାଳନ କରାଯିବ। ଏହି ଦିନ ପ୍ରଭୁ ଶିବ ଶଙ୍କରଙ୍କ ଆରାଧନା ପାଇଁ ସବୁଠାରୁ ମହତ୍ତ୍ୱପୂର୍ଣ୍ଣ ଦିନ ବୋଲି କୁହାଯାଏ। ଏହି ଦିନ ବ୍ରତ ପାଳନ କରାଯାଏ । ଗରୁଡ, ପଦ୍ମ, ସ୍କନ୍ଦ, ଶିବ, ଅଗ୍ନି ପୁରାଣରେ ମହାଶିବରାତ୍ରୀର ମହିମାର ବିଶେଷ ମହତ୍ତ୍ୱ ବର୍ଣ୍ଣନା କରାଯାଇଛି।
ଜ୍ୟୋତିଷ ଶାସ୍ତ୍ର ଓ ଜ୍ୟୋତିର୍ବିଦଙ୍କ ମତାନୁସାରେ ଚଳିତ ବର୍ଷର ଶିବରାତ୍ରୀ ଖୁବ୍ ଖାସ୍। କାରଣ ଏହି ଦିନ ଶ୍ରବଣ ନକ୍ଷତ୍ର ସହ ବିଶେଷ ଯୋଗ ସୃଷ୍ଟି ହେବାକୁ ଯାଉଛି। ଜାଣନ୍ତୁ କେଉଁ ରାଶିଙ୍କ ପାଇଁ ଖୁବ୍ ଶୁଭ ଏବର୍ଷର ଶିବରାତ୍ରୀ..
ମେଷ- ଏହି ରାଶି ବ୍ୟକ୍ତି ବିଶେଷଙ୍କୁ ଶୁଭଫଳ ପ୍ରାପ୍ତି ହେବ। ଆର୍ଥିକ ସ୍ଥିତି ମଜଭୂତ ହେବ। ମହାଦେବଙ୍କ କୃପାରୁ ଶୁଭ ଖବର ମିଳିବ । ବ୍ୟବସାୟରେ ଉନ୍ନତି ଓ ଦାମ୍ପତ୍ୟ ଜୀବନ ସୁଖମୟ ହେବ।
ମିଥୁନ- ଚାକିରିରେ ଶୁଭଫଳ ମିଳିବ । ନୂଆ ନୂଆ କାମ ଆରମ୍ଭ କରିବେ। ପଦନ୍ନୋତିର ଯୋଗ ରହିଛି। ସ୍ୱାସ୍ଥ୍ୟ ଉତ୍ତମ ରହିବ ।
ସିଂହ – ଏହି ରାଶି ବ୍ୟକ୍ତି ବିଶେଷଙ୍କ ପାଇଁ ଶୁଭ ସମୟ ଆରମ୍ଭ ହେବ। ପ୍ରଭୁଙ୍କ କୃପାରୁ ଭାଗ୍ୟ ଚମକିବ। ମାତ୍ର ଟଙ୍କା ଅଧିକ ଖର୍ଚ୍ଚ କରନ୍ତୁ ନାହିଁ । ଚାକିରିରେ ଶୁଭ ଖବର ମିଳିବ।