ମୁମ୍ବାଇ ଆକ୍ରମଣକୁ ନେଇ ପୁଣିଥରେ ଏକ ଚାଞ୍ଚଲ୍ୟକର ତଥ୍ୟ

୨୬ ନଭେମ୍ବର ୨୦୦୮ ମୁମ୍ବାଇ ଆକ୍ରମଣକୁ ନେଇ ପୁଣିଥରେ ଏକ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଛି। ସେତେବେଳେ ଇସଲାମାବାଦରେ ଥିବା ଭାରତୀୟ ରାଷ୍ଟ୍ରଦୂତ ଶରତ ସଭରଓ୍ବାଲ ଏହି ମାମଲାକୁ ନେଇ ଏକ ଗୁରୁତ୍ବପୂର୍ଣ୍ଣ ତଥ୍ୟ ଦେଇଛନ୍ତି। ଶରତ କହିଛନ୍ତି ତାଙ୍କୁ ପାକିସ୍ତାନ ଆର୍ମିରୁ ତଥ୍ୟ ମିଳିଥିଲା ଯେ, ଲସ୍କର-ଇ-ତୋଇବାର ମୁଖ୍ୟ ହାପିଜ୍ ସଇଦ୍ ବିରୁଦ୍ଧରେ କୌଣସି ବି କାର୍ଯ୍ୟାନୁଷ୍ଠାନ ନିଆଯିବ ନାହିଁ।ପାକିସ୍ତାନ ଆର୍ମିର କହିବା ମୁତାବକ ହାପିଜ୍ ବିରୁଦ୍ଧରେ କୌଣସି ପ୍ରମାଣ ମିଳିନଥିଲା। କିନ୍ତୁ ସେନା ପକ୍ଷରୁ ଏହାକୁ ଅଣଦେଖା କରାଯାଇ, ହାଫିଜ ପ୍ରତି ଉଦାସୀନ ମନୋଭାବ ଦେଖାଯାଇଥିଲେ।ତେବେ ସେବେଠାରୁ ମୁମ୍ବାଇ ଆକ୍ରମଣରେ ଲସ୍କରଙ୍କ ଭୂମିକା ଉପରେ ଭାରତ ଏବଂ ଅନ୍ୟାନ୍ୟ ଦେଶରୁ ଅନେକ ଗୁରୁତ୍ୱପୂର୍ଣ୍ଣ ପ୍ରମାଣ ମିଳିଛି। ସୂଚନାଯୋଗ୍ୟ ଯେ ୨୦୦୮ ମସିହାରେ ହୋଇଥିବା ଏହି ଆକ୍ରମଣରେ ଲସ୍କର ଆତଙ୍କବାଦୀମାନେ ମୁମ୍ବାଇରେ ତିନି ଦିନ ଧରି ଆକ୍ରମଣ କରିଚାଲିଥିଲେ। ଏଥିରେ ୧୬୬ ଜଣ ପ୍ରାଣ ହରାଇଥିଲେ। କରାଚିରୁ ସମୁଦ୍ରପଥରେ ଆସିଥିବା ୧୦ ଜଣ ଆତଙ୍କବାଦୀ ସାରା ମୁମ୍ବାଇରେ ସୃଷ୍ଟି କରିଥିଲେ ଭୟ ଓ ଆତଙ୍କ। ତା’ପରେ ଲସ୍କରର ଏକମାତ୍ର ଆତଙ୍କବାଦୀ ଅଜମଲ କସାବକୁ ଜୀବନ୍ତ ଅବସ୍ଥାରେ ଧରିଥିଲା ପୁଲିସ୍। ପରେ, ଏଥିରେ ହାଫିଜ ସଇଦର ସମ୍ପୃକ୍ତି ଥିବା ଅନେକ ପ୍ରମାଣ ମିଳିଥିଲା।