ଦ୍ରୌପଦୀଙ୍କ ଶପଥ ପରେ ରାଇରଙ୍ଗପୁରରେ ଉତ୍ସାହ

ରାଇରଙ୍ଗପୁର ପିସିଏସ୍ କଲ୍ୟାଣୀ ମଣ୍ଡପଠାରେ ଦ୍ରୌପଦୀ ମୁର୍ମୁ ଶପଥ ପାଠ ନେବା ସମୟରେ ସିଧା ପ୍ରସାରଣ ବ୍ୟବସ୍ଥା ହୋଇଥିଲା । ଏଥିପାଇଁ କଲ୍ୟାଣୀ ମଣ୍ଡପ ଠାରେ ଏକ ବଡ ଏଲଇଡି ଟିଭି ଲଗାଯାଇଥିଲା। ରାଇରଙ୍ଗପୁର ଗାନ୍ଧୀ ପାର୍କ ଠାରେ ନାଚଗୀତ, ବାଣ ରୋଷଣୀ ମଧ୍ୟରେ ମିଷ୍ଠାନ ବଣ୍ଟାଯାଇଥିଲା । ଶ୍ରୀମତି ମୁର୍ମୁ ପଢିଥିବା ଉପରବେଡା ଉପ୍ରା ବିଦ୍ୟାଳୟ ସମତେ ୫ ହଜାର ସ୍କୁଲ ଛାତ୍ରଛାତ୍ରୀଙ୍କୁ ମିଷ୍ଟାନ୍ନ ବଂଟନ କରାଯାଇଥିଲା । ଏଥିସହ ଶ୍ରୀମତି ମୁର୍ମୁଙ୍କ ପୈତୃକ ଗାଁ ଘରଠାରୁ ଭାଗବତ ଟୁଙ୍ଗି ପର୍ଯ୍ୟନ୍ତ ପାରମ୍ପରିକ ଆଦିବାସୀ ନାଚଗୀତ ହୋଇଥିଲା। ଏଥିରେ ହଜାର ହଜାର ଆଦିବାସୀଙ୍କ  ସମେତ ଜନସାଧାରଣ ଯୋଗ ଦେଇଥିଲେ । ଏହି ଐତିହାସିକ ଦିନକୁ ମନେ ରଖିବା ପାଇଁ ରାଇରଙ୍ଗପୁର ସମେତ କରଞ୍ଜିଆ, କୁସୁମୀ, ବିଜାତଳା, ଜାମଦା, ବିଶୋଇ ପ୍ରଭୃତି ବ୍ଲକର ବିଭିନ୍ନ ସ୍ଥାନରେ ନାଚଗୀତ ଓ ଭୋଜିଭାତର ଆୟୋଜନ କରାଯାଇଥିଲା ।