କାଉଡ଼ିଆଙ୍କ ପାଇଁ ମାସ୍କ୍‌ ବାଧ୍ୟତାମୂଳକ

ଦୁଇ ବର୍ଷ ହେବ କରୋନା ଯୋଗୁଁ କାଉଡି ଯାତ୍ରା ବନ୍ଦ ରହିଥିବା ବେଳେ ଚଳିତ ବର୍ଷ ଏଥିପାଇଁ ପ୍ରଶାସନ ଅନୁମତି ଦେଇଛି । ତେଣୁ ଧବଳେଶ୍ୱର ପୀଠ ସହ ବିଭିନ୍ନ ଶୈବପୀଠ ଚଳଚଞ୍ଚଳ ହୋଇ ଉଠିବ । ଏଥିପାଇଁ ଆଠଗଡ ଉପଜିଲ୍ଲପାଳ ତଥା ଦେବୋତ୍ତର କମିସନର ହେମନ୍ତ କୁମାର ସ୍ୱାଇଁଙ୍କ ସହ ପୂଜକ ସମିତିର ମିଳିତ ବୈଠକ ବହୁ ପୂର୍ବରୁ ଶେଷ ହୋଇଛି । ଧବଳେଶ୍ୱରରେ ଚଳିତ ବର୍ଷ ଲକ୍ଷାଧିକ ସଂଖ୍ୟାରେ କାଉଡିଆଙ୍କ ସମାଗମ ହେବା ଆଶଙ୍କା କରାଯାଇଛି । ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଝୁଲା ପୋଲ ପାଶ୍ୱର୍ରୁ ବ୍ୟାରିକେଡ୍‌ କରାଯାଇଛି ।ଏଥିସହିତ ପୀଠର ପଶ୍ଚିମ ପାଶ୍ୱର୍ରୁ ବ୍ୟାରିକେଡ୍‌ ଯୋଗେ କାଉଡିଆମାନେ ଯିବା ସହିତ ହୋଟେଲ ନିରୂପମା ପାଶ୍ୱର୍ ଦେଇ ମନ୍ଦିରକୁ ପ୍ରବେଶ କରି ଭୋଗ ମଣ୍ଡପରେ ଥିବା ଲିଙ୍ଗରେ ପାଣି ଢାଳିବେ ।କିନ୍ତୁ ଚଳିତ ବର୍ଷ ଧବଳେଶ୍ବର ପୀଠକୁ ବାହୁଙ୍ଗି ନେଇ ଯାଇପାରିବେ ନାହିଁ କାଉଡ଼ିଆ। ଶ୍ରାବଣ ମାସରେ ଧବଳେଶ୍ୱର ପୀଠକୁ କାଉଡ଼ଇାମାନେ ବାହୁଙ୍ଗି ଆଣିବାକୁ ବାରଣ କରାଯାଇଛି।  ଝୁଲାପୋଲ ପର୍ଯ୍ୟନ୍ତ କାଉଡ଼ଇା ବାହୁଙ୍ଗି ନେଇପାରିବେ। ହେଲେ ଆଉ ଭିତରକୁ ନେଇପାରିବେନାହିଁ ।