OnePlus ଲଞ୍ଚ କଲା Nord CE 6 ସ୍ମାର୍ଟଫୋନ୍ , ଫିଚର୍ସ ବି ରହିଛି ବହୁତ୍ ବଢ଼ିଆ

ସ୍ମାର୍ଟଫୋନ୍ ୟୁଜର୍ସଙ୍କ ପାଇଁ ଆସିଲା ଖୁସି ଖବର । OnePlus ଲଞ୍ଚ କରିଛି ଏକ ଜବରଦସ୍ତ ସ୍ମାର୍ଟଫୋନ୍ । ଫିଚର୍ସ ବି ରହିଛି ବହୁତ୍ ବଢ଼ିଆ । ନିକଟରେ OnePlus ଭାରତୀୟ ବଜାରରେ Nord CE 6 ନାମକ ଏକ 8000mAh ବ୍ୟାଟେରୀ ବିଶିଷ୍ଟ ଫୋନ୍ ଲଞ୍ଚ କରିଛି। ଚୀନ୍ କମ୍ପାନୀ 8000mAh ବ୍ୟାଟେରୀ ବିଶିଷ୍ଟ ଆଉ ଏକ ଫୋନ୍ ପ୍ରସ୍ତୁତ କରୁଥିବା ଜଣାପଡ଼ିଛି। ଏହି ଫୋନ୍ ନିକଟରେ ସାର୍ଟିଫିକେସନ୍ ୱେବସାଇଟରେ ଦେଖାଯାଇଛି । ଲିଷ୍ଟରେ ଫୋନର କିଛି ଫିଚର୍ସ ମଧ୍ୟ ପ୍ରକାଶ ପାଇଛି । ଏହି OnePlus ଫୋନ୍ ଖୁବ୍ଶୀଘ୍ର ବଜାରରେ ଲଞ୍ଚ ହୋଇପାରେ ।

ଏକ ଲିଷ୍ଟ ଅନୁଯାୟୀ, ଏହି ଫୋନର ଲୁକ୍ ଏବଂ ଡିଜାଇନ୍ OnePlus Nord 6 ସହିତ ସମାନ। ବ୍ୟାକରେ ଦୁଇଟି କ୍ୟାମେରା ଏବଂ ଏକ LED ଲାଇଟ୍ ଦେଖାଯାଇପାରିବ। ଏହା ତଳେ OnePlus ବ୍ରାଣ୍ଡିଂ ଦେଖାଯାଇପାରିବ । ଏହି ସ୍ମାର୍ଟଫୋନ୍ ପର୍ପଲ କଲର ଅପ୍ସନରେ ପ୍ରଦାନ କରାଯିବାର ଆଶା କରାଯାଉଛି । ଫୋନର ଲୁକ୍ ଏବଂ ଡିଜାଇନ୍ Oppo K15 5G ସହିତ ବହୁତ ସମାନ । ତେଣୁ, ଏହି OnePlus ଫୋନଟି ବଜେଟ୍ ମୂଲ୍ୟ ସୀମାରେ ପ୍ରଦାନ କରାଯିବାର ଆଶା କରାଯାଉଛି ।

ରିପୋର୍ଟ ଅନୁସାରେ, ଏହି OnePlus ଫୋନଟି 6.78-ଇଞ୍ଚ AMOLED ଡିସପ୍ଲେ ସହିତ ଆସିପାରେ। ଡିସ୍ପ୍ଲେଟି 1.5K ରିଜୋଲ୍ୟୁସନକୁ ସପୋର୍ଟ କରିପାରେ। ଏହା ସହିତ, ଡିସ୍ପ୍ଲେଟି 144Hz ରିଫ୍ରେସ୍ ରେଟ୍କୁ ସପୋର୍ଟ କରିପାରେ । ଫୋନଟି 7820mAh ବ୍ୟାଟେରୀ ପ୍ୟାକ୍ କରିବ ଅର୍ଥାତ୍ ଏହା ସାଧାରଣ 8,000mAh ବ୍ୟାଟେରୀ ସହିତ ଲଞ୍ଚ ହେବ।

ଏଥିସହ ଜାଣିରଖନ୍ତୁ ଯେ, ଏହି OnePlus ଫୋନଟି ୮.୮mm ମୋଟେଇ ଏବଂ ୨୧୩ ଗ୍ରାମ ଓଜନ ହେବ । ଏଥିରେ 2.6GHz ଅକ୍ଟା-କୋର ପ୍ରୋସେସର ବ୍ୟବହାର କରାଯିବ ବୋଲି ଜଣାପଡିଛି। ରିପୋର୍ଟ ଅନୁଯାୟୀ, ଏଥିରେ Qualcomm Snapdragon 6 Gen 5 ଚିପସେଟ୍ ଦିଆଯାଇପାରେ। ଫୋନଟି 16GB ପର୍ଯ୍ୟନ୍ତ RAM ଏବଂ 1TB ପର୍ଯ୍ୟନ୍ତ ଷ୍ଟୋରେଜ୍ ବିଶିଷ୍ଟ ହେବ ବୋଲି ଆଶା କରାଯାଉଛି।

ଏହି OnePlus ଫୋନଟି ବ୍ୟାକରେ ଡୁଆଲ୍ କ୍ୟାମେରା ସେଟଅପ୍ ରହିବାର ଆଶା କରାଯାଉଛି । ଏଥିରେ ୫୦MP ପ୍ରାଇମେରୀ କ୍ୟାମେରା ଏବଂ ୮MP ସେକେଣ୍ଡାରୀ କ୍ୟାମେରା ରହିବାର ଆଶା କରାଯାଉଛି । ଏହା ସହିତ, ସେଲଫି ଏବଂ ଭିଡିଓ କଲିଂ ପାଇଁ ୧୬MP କ୍ୟାମେରା ରହିବାର ଆଶା କରାଯାଉଛି । ଏହି ଫୋନରେ ଏକ ବଡ଼ ବ୍ୟାଟେରୀ ଏବଂ 80W ଫାଷ୍ଟ ଚାର୍ଜିଂ ରହିବାର ଆଶା କରାଯାଉଛି। ଏଥିରେ USB ଟାଇପ୍-C ଚାର୍ଜିଂ ମଧ୍ୟ ବ୍ୟବହାର ହୋଇପାରେ।