ଫୁଟବଲ ମ୍ୟାଚ୍ ବେଳେ ରଣକ୍ଷେତ୍ର ପାଲଟିଲା ଷ୍ଟାଡିୟମ,୫୦ ଜଣ ଗୁରୁତର

ଫୁଟବଲ ମ୍ୟାଚ୍ ବେଳେ ରଣକ୍ଷେତ୍ର ପାଲଟିଲା ଷ୍ଟାଡିୟମ । ଘଟଣା ପରେ ସେଠାରେ ଦଙ୍ଗା ସୃଷ୍ଟି ହୋଇଥିଲା । ପାରାଗୁଏରେ ଦଙ୍ଗା ଯୋଗୁଁ ପ୍ରାୟ ୫୦ ଜଣ ଗୁରୁତର ହୋଇଛନ୍ତି । ୬୦ରୁ ଅଧିକ ଲୋକଙ୍କୁ ଗିରଫ କରାଯାଇଛି । ଏହି ଦଙ୍ଗା ଯୋଗୁଁ ଦୁଇ ପାରସ୍ପରିକ ପ୍ରତିଦ୍ୱନ୍ଦ୍ୱୀ ମଧ୍ୟରେ ଫୁଟବଲ୍ ମ୍ୟାଚ୍ ବନ୍ଦ କରିବାକୁ ପଡିଛି ।

ରବିବାର ରାଜଧାନୀ ଆସୁନସିଅନର ଦୁଇଟି ଦଳ- ଅଲିମ୍ପିଆ ଏବଂ ସେରୋ ପୋର୍ଟେନୋ-ପରସ୍ପର ମଧ୍ୟରେ ମୁକାବିଲା ଚାଲିଥିଲା । ତେବେ ସ୍ଥିତି ଏମିତି ହୋଇଥିଲା ଯେ, ରେଫରିଙ୍କ ନିର୍ଦ୍ଦେଶରେ ୨୯ ମିନିଟ୍ ପରେ ମ୍ୟାଚ୍ ବନ୍ଦ କରାଯାଇଥିଲା ।ସୂଚନା ଥାଉକି, ଷ୍ଟାଣ୍ଡରେ ପହଞ୍ଚିବା ପରେ, ପ୍ରଶଂସକମାନେ ପଥର ଓ ପାଣି ସହ ପରିସ୍ରା ଭର୍ତ୍ତି ବୋତଲ ଫିଙ୍ଗିଥିଲେ । ରାଜଧାନୀର ପୋଲିସ ମୁଖ୍ୟ ହେକ୍ଟର ଫର୍ଣ୍ଣାଣ୍ଡିଜ୍ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । ସ୍ଥିତିକୁ ଦେଖି ପୋଲିସ ଷ୍ଟାଣ୍ଡ ଭିତରକୁ ରବର ବୁଲେଟ ଓ ଲୁହ ବୁହା ଗ୍ୟାସ୍ ମାଡ଼ କରିଥିଲା । ଯାହା ଫଳରେ ଶହ ଶହ ଦର୍ଶକ ପଡ଼ିଆକୁ ପଳାଇଥିଲେ ।

ସିସିଟିଭି ଫୁଟେଜରେ ଦେଖାଯାଇଥିଲା ଯେ ଷ୍ଟାଣ୍ଡର କିଛି ଅଂଶ ଧୂଆଁରେ ପରିପୂର୍ଣ୍ଣ ଥିଲା । ରିଗୋବର୍ଟୋ କାବାଲେରୋ ପୋଲିସ ହସ୍ପିଟାଲର ନିର୍ଦ୍ଦେଶକ ଡେଭିଡ୍ ଟୋରାଲେସ୍ କହିଛନ୍ତି ଯେ ଜଣେ ୨୨ ବର୍ଷୀୟ ପୋଲିସ ଅଧିକାରୀଙ୍କ ନାକ ଫାଟିଯାଇଥିଲା । ତାଙ୍କ ଅବସ୍ଥା ଏମିତି ଯେ, ତାଙ୍କୁ ଅସ୍ତ୍ରୋପଚାର କରିବା ଦରକାର ପଡିବ । ସେପଟେ ଅଧିକାରୀଙ୍କ ଉପରେ ଆକ୍ରମଣର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା।ସୁରକ୍ଷା ବାହିନୀ କହିଛନ୍ତି ଯେ ଅତି କମରେ ଛଅ ଜଣ ଅଧିକାରୀ ଆହତ ହୋଇଛନ୍ତି।

ଡାକ୍ତରମାନେ କହିଛନ୍ତି ଯେ ହସ୍ପିଟାଲରେ ଚିକିତ୍ସାଧୀନ ଥିବା ଅଧିକାଂଶ ଲୋକଙ୍କୁ ସାମାନ୍ୟ ଆଘାତ ଲାଗିଛି। ସେରୋ ପୋର୍ଟେନୋ ପୂର୍ବରୁ ପାରାଗୁଏର ଶୀର୍ଷ ଫୁଟବଲ୍ ଡିଭିଜନର ନେତୃତ୍ୱ ନେଉଥିବା ଅଲିମ୍ପିଆ ମଧ୍ୟରେ ମ୍ୟାଚ୍ ୪୦,୦୦୦ ଦର୍ଶକଙ୍କ ସମ୍ମୁଖରେ ଖେଳାଯାଇଥିଲା। ପୋଲିସ କହିଛି ଯେ  ସଂଘର୍ଷକୁ ଉସୁକାଇଥିବା ଲୋକଙ୍କୁ ଚିହ୍ନଟ କରିବା ପ୍ରକ୍ରିୟା ଜାରି ରହିଛି । ଦରକାର ପଡିଲେ ସେମାନଙ୍କୁ ଦଣ୍ଡିତ କରାଯିବା ସହ ଭବିଷ୍ୟତର କ୍ରୀଡା ଇଭେଣ୍ଟଗୁଡ଼ିକରେ ଯୋଗଦେବାରୁ ବାରଣ କରାଯିବ ବୋଲି ପୋଲିସ କହିଛି ।