ମନ୍‌ କି ବାତ୍‌ରେ ଓଡ଼ିଆଙ୍କ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

ମୋଦୀଙ୍କ ମନ୍ କି ବାତ୍‌ରେ ଯେତେବେଳେ ପ୍ରଧାନମନ୍ତ୍ରୀ କୌଣସି ବ୍ୟକ୍ତିବିଶେଷଙ୍କ ସଂଘର୍ଷ, ସଫଳତା ଓ ଅବଦାନର କଥା କୁହନ୍ତି, ସେତେବେଳେ ସମ୍ପୃକ୍ତ ବ୍ୟକ୍ତିଙ୍କୁ ନୂଆ ଉତ୍ସାହ, ପ୍ରେରଣା ମିଳି ଥାଏ। ଏଥର ପ୍ରଧାନମନ୍ତ୍ରୀ ତାଙ୍କ ମନ୍ କି ବାତ କାର୍ଯ୍ୟକ୍ରମରେ ୨ ଜଣ ଓଡ଼ିଆଙ୍କୁ ପ୍ରଂଶସା କରିଛନ୍ତି ।
ଓମ୍ ପ୍ରକାଶ ରଥ, କେନ୍ଦ୍ରାପଡ଼ା   ..  ସୁଜାତା ଭୂୟାଁ, ସମ୍ବଲପୁର..  ଡବଲ ୱିଣ୍ଡୋ
କେନ୍ଦ୍ରାପଡ଼ାର ଛାତ୍ର ଓମ୍ ପ୍ରକାଶ ରଥ ଓ ସମ୍ବଲପୁରର ମହିଳା ଉଦ୍ୟୋଗୀ ସୁଜାତା ଭୂୟାଁଙ୍କ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ।

ସୁଜାତା ଭୂୟାଁଙ୍କ ସଫଳ ଗୃହିଣୀରୁ  ସଫଳ ମାଛ ଚାଷୀର କାହାଣୀ କହିଛନ୍ତି ପ୍ରଧାନମନ୍ତ୍ରୀ। ପ୍ରଥମେ ସେ ହୀରାକୁଦ ଜଳଭଣ୍ଡାରରେ ମାଛ ଚାଷ ଆରମ୍ଭ କରିଥିଲେ। ଘରର ଦାୟିତ୍ବ ସହ ଅନେକ ପ୍ରତିକୂଳ ପରିସ୍ଥିତିର ସାମ୍ନା କରିବାକୁ ପଡ଼ିଥିଲା ତାଙ୍କୁ। ମାତ୍ର ସେସବୁ ଆଗରେ ସେ ହାର୍ ମାନିନଥିଲେ । ଆଜି ତାଙ୍କର ସଫଳତା ଅନ୍ୟ ମହିଳାଙ୍କୁ ଆଶାର ନୂଆ କିରଣ ଦେଖାଇଥିବା ମୋଦୀ ମନ୍‌ କି ବାତ୍‌ରେ କହିବା ପରେ ଖୁସୀ ଜାହିର କରିଛନ୍ତି ସୁଜାତା । ପାଠପଢ଼ା ସହ ସମାଜସେବା ଆଜି କାଲି ଯୁବପିଢ଼ି ପାଖରେ କୁଚିତ୍ ଦେଖିବାକୁ ମିଳୁଛି। କିନ୍ତୁ ସେମିତି କରି ଆଜି ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି କେନ୍ଦ୍ରାପଡାର ଯୁକ୍ତ ୩ ପ୍ରଥମ ବର୍ଷ ଛାତ୍ର ଓମପ୍ରକାଶ ରଥ। ରାଜନୀତି ବିଜ୍ଞାନ ସ୍ନାତକ ରଖି ପଢ଼ୁଥିବା ଓମପ୍ରକାଶ ମହିଳା ସଶକ୍ତି କରଣ କ୍ଷେତ୍ରରେ କାମ କରି ନିଆରା ଉଦାହରଣ ସୃଷ୍ଟି କରିଛନ୍ତି।