ଶରଦ ପାୱରଙ୍କ ସ୍ୱାସ୍ଥ୍ୟବସ୍ଥା ଖରାପ , ହସ୍ପିଟାଲରେ ଭର୍ତ୍ତି
ଏନସିପି (ସପା) ଅଧ୍ୟକ୍ଷ ଶରଦ ପାୱରଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରୁ ହସ୍ପିଟାଲରେ ଭର୍ତ୍ତି କରାଯାଇଛି । ପୁଣେ ନିଆଯାଇ ରୁବି ହଲ୍ କ୍ଲିନିକରେ ଭର୍ତ୍ତି କରାଯାଇଛି । ପାୱର ଜ୍ୱର ଓ କାଶରେ ପୀଡିତ ଥିବା ବେଳେ ତାଙ୍କୁ ନିଶ୍ୱାସ ନେବାରେ କଷ୍ଟ ଅନୁଭବ କରୁଥିଲେ ।
ମିଳିଥିବା ସୂଚନା ଅନୁସାରେ ଗତ କିଛି ଦିନ ଧରି ଶରଦ ପାୱର କାଶ, କଫ ଏବଂ ନିଶ୍ୱାସ ନେବାରେ କଷ୍ଟ ଅନୁଭବ କରୁଥିଲେ। ତେଣୁ, ଆଜି ସକାଳଠାରୁ ଡାକ୍ତରଙ୍କ ଏକ ଦଳ ତାଙ୍କୁ ଗୋବିନ୍ଦବାଗରେ ପରୀକ୍ଷା କରିଥିଲେ। ପ୍ରାୟ ଏକ ଘଣ୍ଟା ଧରି ଡାକ୍ତରୀ ପରୀକ୍ଷା ପରେ, ତାଙ୍କୁ ଅଧିକ ଚିକିତ୍ସା ପାଇଁ ପୁଣେର ଏକ ଘରୋଇ ହସ୍ପିଟାଲ ରୁବି ହଲରେ ଭର୍ତ୍ତି କରିବାକୁ ପରାମର୍ଶ ଦିଆଯାଇଥିଲା।ଶରଦଙ୍କ ସ୍ୱାସ୍ଥ୍ୟାବସ୍ଥା ସମ୍ପ୍ରତି ଖରାପ ରହିବାରୁ ଗତ କିଛି ମାସ ଧରି ସେ ଅନେକ ସାର୍ବଜନୀନ କାର୍ୟ୍ୟକ୍ରମକୁ ଏଡ଼ାଇ ଯାଇଥିଲେ। ତଥାପି, ଅଜିତ ପାୱରଙ୍କ ଆକସ୍ମିକ ମୃତ୍ୟୁ ପରେ ସେ ପୁଣି ଥରେ ସାଧାରଣରେ ସମ୍ପର୍କ ସ୍ଥାପନ କରିଥିଲେ। ଗତ ସପ୍ତାହରେ, ସେ ଲଗାତାର କିଛି ଦିନ ଧରି ଅନେକ ଲୋକଙ୍କ ସହିତ ସାକ୍ଷାତ କରିଥିଲେ, ରାଜ୍ୟ ସାରା ନେତା ଏବଂ କର୍ମୀଙ୍କ ସହିତ ଆଲୋଚନା କରିଥିଲେ।