ଚଳିତ ଶିବରାତ୍ରୀରେ କୁମ୍ଭ ରାଶିରେ ସୂର୍ଯ୍ୟ, ବୁଧ ଓ ଶନିଙ୍କ ସଂଯୋଗ ହେବାକୁ ଯାଉଛି
ମହାଶିବରାତ୍ରୀ ପର୍ବ ଚଳିତ ବର୍ଷ ୨୬ ଫେବୃଆରୀରେ ପାଳନ କରାଯିବ। ଜ୍ୟୋତିଷ ଶାସ୍ତ୍ର ଅନୁସାରେ ଫାଲଗୁଣ ମାସର କୃଷ୍ଣପକ୍ଷର ଚତୁର୍ଦଶୀ ତିଥିରେ ଶିବରାତ୍ରୀ ପର୍ବ ପାଳନ କରାଯାଏ।
ଏହି ଦିନ ପରିବାରରେ ହସଖୁସି ଓ ଜୀବନରେ ସୁଖସମୃଦ୍ଧି ବୃଦ୍ଧି ପାଇଁ ସଭିଏଁ ବ୍ରତ ପାଳନ କରି ଥାନ୍ତି। ବିଶେଷ କରି ପରଦିନ ସୂର୍ଯ୍ୟୋଦୟ ପର୍ଯ୍ୟନ୍ତ ବ୍ରତ ରଖାଯାଏ । ଚଳିତ ବର୍ଷର ମହାଶିବରାତ୍ରୀ ପର୍ବ ଖୁବ୍ ଖାସ୍ । ଏହି ଦିନ କିଛି ବିଶେଷ ସଂଯୋଗ ସହ ମକର ରାଶିରେ ଚନ୍ଦ୍ରମାଙ୍କ ସଂଯୋଗ ହେବାକୁ ଯାଉଛି। ଏହା ବ୍ୟତୀତ ଏହି ଦିନ କୁମ୍ଭ ରାଶିରେ ସୂର୍ଯ୍ୟ, ବୁଧ ଓ ଶନିଙ୍କ ସଂଯୋଗ ହେବାକୁ ଯାଉଛି। ଯାହା ପ୍ରାୟ ୧୯୬୫ ମସିହାରେ ପରେ ଏହି ସଂଯୋଗ ହେବାକୁ ଯାଉଛି। ତେବେ ମହାଶିବରାତ୍ରୀରେ ହେଉଥିବା ଏହି ବିଶେଷ ସଂଯୋଗ କାରଣରୁ କେଉଁ କେଉଁ ରାଶିଙ୍କ ଭାଗ୍ୟ ସୁନା ଭଳି ଚମକିବ ଜାଣନ୍ତୁ..
ମେଷ- ଏହି ରାଶି ବ୍ୟକ୍ତି ବିଶେଷଙ୍କ କର୍ମକ୍ଷେତ୍ର ଓ ବ୍ୟବସାୟରେ ଖୁବ୍ ଉନ୍ନତି ହେବ । ଆର୍ଥିକ ସ୍ଥିତି ମଜଭୁତ ହେବ। ଅଟକି ଥିବା କାମରେ ସଫଳତା ମିଳିବ । ନୂଆ ବ୍ୟବସାୟ ଆରମ୍ଭ କରିବେ।
ମିଥୁନ- ଏହି ରାଶିଙ୍କୁ ଭାଗ୍ୟର ସାଥ୍ ମିଳିବ । ବ୍ୟବସାୟରେ ଉନ୍ନତି ହେବ। ଟଙ୍କା ନିବେଶ କରି ଲାଭବାନ୍ ହେବେ। କର୍ମକ୍ଷେତ୍ରରେ ନୂଆ ନୂଆ ସୁଯୋଗ ମିଳିବ।
ସିଂହ- ଆର୍ଥିକ କ୍ଷେତ୍ରରେ ଖୁବ୍ ଉନ୍ନତି ହେବ। ଆୟର ନୂଆ ନୂଆ ରାସ୍ତା ସାମ୍ନାକୁ ଆସିବ। ଭୂମି, ଘର କିଣିବାର ଯୋଗ ରହିଛି । ଶୁଭ ଖବର ମିଳିବ । ଦାମ୍ପତ୍ୟ ଜୀବନ ସୁଖମୟ ହେବ ।
କୁମ୍ଭ- ସମ୍ପତ୍ତି, ଘର ଓ ଗାଡି କିଣିବାର ଯୋଗ ରହିଛି। କର୍ମକ୍ଷେତ୍ରରେ ଉନ୍ନତି ହେବ। ବିଦେଶ ଯାତ୍ରାର ଯୋଗ ରହିଛି । ନୂଆ ନୂଆ ସୁଯୋଗ ମିଳିବ।