ଓଡିଶା କଂଗ୍ରେସ କମିଟି ସଭାପତି ଚୟନ ପ୍ରକ୍ରିୟାକୁ ନେଇ ପୁଣିଥରେ ହଲ୍‌ଚଲ୍‌

କିଛିଦିନର ବ୍ୟବଧାନ ପରେ ପ୍ରଦେଶ କଂଗ୍ରେସ କମିଟି ସଭାପତି ପାଇଁ ଚୟନ ପ୍ରକ୍ରିୟାକୁ ନେଇ ପୁଣିଥରେ ହଲ୍‌ଚଲ୍‌ ଆରମ୍ଭ ହୋଇଛି। ଫୋନ୍ ଜରିଆରେ କଂଗ୍ରେସ କର୍ମୀଙ୍କଠାରୁ ମତାମତ ସଂଗ୍ରହ କରାଯାଉଥିବା ଚର୍ଚ୍ଚା ଚାଲିଛି। ସଭାପତି ପାଇଁ ୩ଟି ନାଁ ଓ ଚଳିତ ନିର୍ବାଚନରେ ଦଳର ବିପର୍ଯ୍ୟୟ ପଛର କାରଣ ପଚରାଯାଉଛି। ତେବେ ଏଭଳି ଫୋନ୍ କଲ୍‌କୁ ନେଇ ଦଳ ଏବେ ଦୁଇ ଭାଗ। କେହି କେହି ଏଭଳି କଲ୍‌ ଏଆଇସିସିରୁ ଆସୁଥିବା କହୁଥିବା ବେଳେ ଅନ୍ୟମାନେ ପ୍ରଭାରୀ ଅଜୟ କୁମାରଙ୍କ ଏକ ଟିମ୍‌ ଏଭଳି ତଥ୍ୟ ସଂଗ୍ରହ କରୁଥିବା କହୁଛନ୍ତି। ଏସବୁ ଭିତରେ କେବେସୁଦ୍ଧା ପ୍ରକ୍ରିୟା ଶେଷ ହୋଇ ସଭାପତିଙ୍କ ନାମ ଘୋଷଣା ହେବ ତାହା ନେଇ କିଛି ସ୍ପଷ୍ଟତା ନାହିଁ।