ସୁନୀତା ଓ୍ବିଲିୟମ୍ସଙ୍କୁ ମହାକାଶ ନେଇ ଯାଇଥିବା ସ୍ପେସ୍କ୍ରାଫ୍ଟ ଫେରିଲା
ମହାକାଶଚାରୀ ସୁନୀତା ୱିଲିୟମ୍ସ ଏବଂ ବଚ୍ ୱିଲମୋରଙ୍କୁ ନେଇଯାଇଥିବା ବୋଇଙ୍ଗର ଷ୍ଟାରଲାଇନର୍ ମହାକାଶଯାନ ପୃଥିବୀକୁ ଫେରୁଛି। ତିନିମାସ ଧରି ମହାକାଶରେ ଅଟକି ରହିଥିବା ଷ୍ଟାରଲାଇନର୍ ସ୍ପେସ୍ ଷ୍ଟେସନ ଛାଡି ପୃଥିବୀ ଫେରିଛି। ମହାକାଶଯାନରେ ଏକ ସମସ୍ୟା ଯୋଗୁ ଏହା ଉଭୟ ମହାକାଶଚାରୀଙ୍କ ବିନା ପୃଥିବୀକୁ ଫେରିଛି ।
ଶୁକ୍ରବାର ଦିନ ଆମେରିକାର ସମୟ ସନ୍ଧ୍ୟା ୬ଟା ୦୪ରେ ଷ୍ଟାରଲାଇନର୍ ସଫଳତାର ସହିତ ସ୍ପେସ୍ ଷ୍ଟେସନ୍ ଛାଡିଥିଲେ । ରାତି ୧୧ଟା ୧୭ରେ ଏହା ପୃଥିବୀର ବାୟୁମଣ୍ଡଳରେ ପ୍ରବେଶ କରିଥିଲା। କ୍ୟାପସୁଲ ପାଇଁ ଏହା ସବୁଠାରୁ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ହେବ। ଏହା ମଧ୍ୟରାତି ୧୨ଟା ୦୩ରେ ରେ ନ୍ୟୁ ମେକ୍ସିକୋର ହ୍ବାଇଟ ସ୍ୟାଣ୍ଡ ସ୍ପେସ୍ ହାରବରରେ ଅବତରଣ କରିଛି। ଷ୍ଟାରଲାଇନର୍ ଛାଡିବା ପରେ ସୁନୀତା ୱିଲିୟମ୍ସ ମିଶନ୍ କଣ୍ଟ୍ରୋଲ୍ ରେଡିଓ କହିଥିଲେ, ‘କାଲିପ୍ସୋକୁ ଘରକୁ ଆଣିବାର ସମୟ ଆସିଛି।’ ସମସ୍ତଙ୍କ ନଜର ଷ୍ଟାରଲାଇନର୍ ଫେରିବା ଉପରେ ଥିଲା। ଯଦି ଏହା ନିରାପଦରେ ଅବତରଣ କରେ, ବୋଇଙ୍ଗ ହୁଏତ ଏହାର ଖରାପ ସୁନାମରୁ ରକ୍ଷା ପାଇପାରେ।
ପ୍ରାୟ ଏକ ସପ୍ତାହର ପରୀକ୍ଷଣ ମିଶନ୍ ପରେ ଷ୍ଟାରଲାଇନର୍ ଜୁନ୍ ମାସରେ ଲଞ୍ଚ କରିବାର କାର୍ଯ୍ୟକ୍ରମ ଥିଲା, କିନ୍ତୁ ଏକ ଥ୍ରଷ୍ଟର ତ୍ରୁଟି ଏବଂ ହିଲିୟମ୍ ଲିକ୍ ଏହାର ଯୋଜନାକୁ ପଣ୍ଡ କରିଥିଲା । ବୋଇଙ୍ଗ ଏବଂ ନାସା ଦଳ ମହାକାଶଯାନର ସମସ୍ୟା ସମାଧାନ କରିବାକୁ ଚେଷ୍ଟା କରିଥିଲେ କିନ୍ତୁ ଶେଷରେ ଆମେରିକାର ସ୍ପେସ୍ ଏଜେନ୍ସି ନିଷ୍ପତ୍ତି ନେଇଥିଲେ ଯେ ସୁନିତା ୱିଲିୟମ୍ସ ଏବଂ ବଚ୍ ୱିଲମୋରଙ୍କୁ ଷ୍ଟାରଲାଇନରେ ପୃଥିବୀ ଫେରାଇ ଆଣିବା ସୁରକ୍ଷିତ ନୁହେଁ।