ମେଟ୍ରୋ ଟିଭି ଓଡିଶା (୨୨.୨.୨୦୨୨) :
କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ କ୍ୟାରିୟରରେ ଯୋଡିହେଲା ଆଉ ଏକ ସଫଳତା । ସେ କେମ୍ବ୍ରିଜ୍ ବିଶ୍ୱବିଦ୍ୟାଳୟରୁ ଅନଲାଇନ୍ ପାଠ୍ୟକ୍ରମ ଶେଷ କରିଛନ୍ତି । ବ୍ୟବସାୟ ଆନାଲିଟିକ୍ସରେ ସେ ଅନଲାଇନ୍ ପାଠ୍ୟକ୍ରମ ଫେବୃଆରୀ ୨୦, ୨୦୨୨ରେ ଶେଷ କରିଛନ୍ତି ।
ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ ନିଜର ସଫଳତାକୁ ସୋସିଆଲ ମିଡିଆରେ ସେୟାର କରିଛନ୍ତି । ସ୍ମୃତି ଇରାନୀ ଟ୍ୱିଟ୍ କରି ଲେଖିଛନ୍ତି ପାଣ୍ଡେମିକ ପରିସ୍ଥିତିରେ କିଛି ନୂଆ ଶିଖିବା ଆହ୍ୱାନଠାରୁ କମ୍ ନୁହେଁ ।
ପାଣ୍ଡେମିକରେ କିଛି ନୂଆ ଶିଖିବା ଏବଂ କରିବା ନୂଆ କରି ଜୀବନ ପାଇବା ଭଳି ମନେ ହେଉଛି । ମୁଁ କେମ୍ବ୍ରିଜ୍ ବିଶ୍ୱବିଦ୍ୟାଳୟରୁ ଶିଖିବାକୁ ଉପଭୋଗ କଲି । ତୁମର କୌଶଳ ବୃଦ୍ଧି ପାଇଁ ସମୟ ନେବା ପ୍ରକୃତରେ ଆନନ୍ଦଦାୟକ ।