ଜ୍ଞାନବାପୀ ସର୍ଭେ ୪ ସପ୍ତାହରେ ଶେଷ ହେବ

ବାରଣାସୀ : ଜ୍ଞାନବାପୀ ମସଜିଦରେ  ସର୍ଭେ କାର୍ଯ୍ୟ ଜାରି ରହିଛି। ସର୍ଭେର  ଭିଡିଓ ରେକର୍ଡ କରାଯାଇଛି।  ଏଥିରେ ତ୍ରୀଶୁଳ, ସ୍ବସ୍ତିକ , ଫୁଲ ପରି ଚିହ୍ନ ସବୁ ଦେଖିବାକୁ ମିଳିଛି।  ମସଜିଦ କାନ୍ଥ ଏବଂ ପିଲାର୍‌ରେ ଏସବୁ ଚିହ୍ନ ଦେଖିବାକୁ ମିଳିଛି।  ପ୍ରଥମ ଦିନରେ ୭ ଘଣ୍ଟା‌ ସର୍ଭେ ହୋଇଥିଲା।  ଏଏସ୍‌ଆଇ ଟିମ୍‌ରେ ୩୭ ସଦସ୍ୟ ରହିଛନ୍ତି।  ଆଇଆଇଟି ଏକ୍ସପର୍ଟ ଟିମ୍‌କୁ ମିଶାଇଲେ ମୋଟ୍‌ ୪୧ ଜଣ ସଦସ୍ୟ ସର୍ଭେ ପାଇଁ ୪ଟି ଟିମ୍‌ରେ ବିଭକ୍ତ ହୋଇଛନ୍ତି। ତେବେ ସର୍ଭେ କାର୍ଯ୍ୟ ଶେଷ କରିବାପାଇଁ ବାରଣାସୀ ଜିଲ୍ଲା କୋର୍ଟ ଏଏସ୍‌ଆଇକୁ  ୪ ସପ୍ତାହ ସମୟ ଦେଇଛନ୍ତି।  ସେପ୍ଟେମ୍ବର ୨ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ ।  ସରକାରଙ୍କ ପକ୍ଷରୁ ଓକିଲ ଅମିତ ଶ୍ରୀବାସ୍ତବ ଏଏସ୍‌ଆଇ ପାଇଁ କୋର୍ଟରେ ସମୟ ମାଗିଥିଲେ।  କୋର୍ଟ ଏଏସ୍‌ଆଇକୁ ୪ ସପ୍ତାହ ସମୟ ଦେଇଛନ୍ତି ଏବଂ ସେପ୍ଟେମ୍ବର ୨ ତାରିଖରେ ରିପୋର୍ଟ ଦାଖଲ କରିବାକୁ କହିଛନ୍ତି। କଡା ସୁରକ୍ଷା ବ୍ୟବସ୍ଥାରେ ଚାଲିଛି ଜ୍ଞାନବାପୀ ସର୍ଭେ ।