ୟୁକେ ପାଖରେ ମାତ୍ର ଦେଢ଼ ଦିନର ତୈଳ ମହଜୁତ

ଆମେରିକା , ଇସ୍ରାଏଲ ଏବଂ ଇରାନ ମଧ୍ୟରେ ବିବାଦ ଜାରି ରହିଥିବାରୁ ତୈଳ ଦର ଏବେ ପ୍ରତି ବ୍ୟାରେଲ ୧୦୦ ଡଲାରରୁ ଅଧିକ ହୋଇଛି। ୨୦୨୨ ପରେ ହଠାତ ତୈଳ ଦରରେ ଆଶାତୀତ ବୃଦ୍ଧି ଦେଖିବାକୁ ମିଳିଛି । ଇରାନ୍ ଯୁଦ୍ଧ ଯୋଗୁଁ, ତୈଳ ଯୋଗାଣ ଶୃଙ୍ଖଳ ବାଧାପ୍ରାପ୍ତ ହୋଇଛି । ଆମେରିକା ଅପେକ୍ଷା ବ୍ରିଟେନ ଏବଂ ୟୁରୋପରେ ପାଇଁ ବପଦ ବଢ଼ୁଛି । ନ୍ୟାସନାଲ୍ ଗ୍ୟାସ୍ ଦ୍ୱାରା ପ୍ରକାଶିତ ନୂତନ ତଥ୍ୟ ଅନୁଯାୟୀ, ୟୁକେ ପାଖରେ ମାତ୍ର ଦେଢ଼ ଦିନର ତୈଳ ଅଛି । ମଧ୍ୟପ୍ରାଚ୍ୟରୁ ଯୋଗାଣ ବନ୍ଦ ହୋଇଯିବାରୁ ଏହା ଏବେ ୟୁରୋପରେ ଗ୍ୟାସ୍ ମୂଲ୍ୟ ବୃଦ୍ଧି ପାଇଛି ।

ମାଞ୍ଚେଷ୍ଟରର କିଛି ଷ୍ଟେସନରେ ପେଟ୍ରୋଲ ପମ୍ପ ପାଇଁ ଧାଡ଼ି ବଢ଼ିବାରେ ଲାଗିଛି । ଲୋକମାନେ ଆତଙ୍କିତ ହୋଇ ତୈଳ କିଣିବା ଯୋଗୁଁ ପରିସ୍ଥିତି ଆହୁରି ଖରାପ ହୋଇପାରେ ବୋଲି ଆଶଙ୍କା କରାଯାଉଛି।ଅକ୍ସଫୋର୍ଡର ପେମ୍ବ୍ରୋକ୍ କଲେଜର ବରିଷ୍ଠ ଗବେଷକ ଡକ୍ଟର ରବର୍ଟ ଜନସନ ୟୁକେ ମେଟ୍ରୋକୁ କହିଛନ୍ତି ଯେ, ଯଦି ବର୍ତ୍ତମାନର ପରିସ୍ଥିତି ଆହୁରି ଖରାପ ହୁଏ, ତେବେ ଏହା ୧୯୭୩ ମସିହାରେ ବ୍ରିଟେନରେ ହୋଇଥିବା ତୈଳ ସଂକଟ ପରି ହୋଇପାରେ।

୧୯୭୩ ମସିହାରେ, OPECର ଆରବ ସଦସ୍ୟମାନେ ୟୋମ୍ କିପ୍ପୁର ଯୁଦ୍ଧ ସମୟରେ ଇସ୍ରାଏଲକୁ ସମର୍ଥନ କରୁଥିବା ଆମେରିକା ଏବଂ ଅନ୍ୟାନ୍ୟ ରାଷ୍ଟ୍ରଗୁଡ଼ିକୁ ତୈଳ ଯୋଗାଣ ବନ୍ଦ କରିଦେଇଥିଲେ। ଫଳରେ ସପ୍ତାହର କାର୍ଯ୍ୟ ଦିବସ ୩ ଦିନକୁ ଖସିଆସିଥିଲା । ଲୋକେ ଚାକିରି ହରାଇଥିଲେଏବଂ ଶିଳ୍ପ ବନ୍ଦ ହୋଇଥିଲା । ଡକ୍ଟର ଜନସନ କହିଛନ୍ତି, ଏବେ ସେହିଭଳି ବିପଦ ଆସୁଛି । ଦୀର୍ଘ ସମୟ ଯୁଦ୍ଧ ପୁଣି ଥରେ ଏପରି ପରିଣାମ ଆରିପାରେ ।

ଅକ୍ସଫୋର୍ଡର ପରିବେଶଗତ ପରିବର୍ତ୍ତନ ପ୍ରତିଷ୍ଠାନର ଶକ୍ତି କାର୍ଯ୍ୟକ୍ରମର ନେତା ଏବଂ ଜଳବାୟୁ ନୀତିର ପ୍ରଫେସର ଜାନ ରୋସେନାଓ କହିଛନ୍ତି ଯେ, ୟୁକେରେ ଆତଙ୍କିତ ହୋଇ ପେଟ୍ରୋଲ୍ କିଣିବା ମାମଲା ଆଚରଣଗତ । କିନ୍ତୁ ବ୍ରିଟେନ୍ରେ ଏବେ କିଛି ସପ୍ତାହ ପାଇଁ ପେଟ୍ରୋଲ୍ ଷ୍ଟକ୍ ରହିଛି । ଯେପର୍ଯ୍ୟନ୍ତ ଇରାନର ପରିସ୍ଥିତି ଶାନ୍ତ ନହୁଏ ଏବଂ ହର୍ମୁଜ୍ ପ୍ରଣାଳୀ ସୁରକ୍ଷିତ ନହୁଏ, ସେପର୍ଯ୍ୟନ୍ତ ୟୁକେ ଏବଂ ସାରା ବିଶ୍ୱରେ ଗ୍ୟାସ୍ ମୂଲ୍ୟ ବୃଦ୍ଧି ପାଇପାରେ।

ଆଜି ସକାଳେ RACର ନୀତି ମୁଖ୍ୟ ସାଇମନ ୱିଲିୟମ୍ସ କହିଛନ୍ତି ଯେ, ୨୮ ଫେବୃଆରୀ, ଶନିବାର ଠାରୁ ପେଟ୍ରୋଲ ୫ ପଇସା ବୃଦ୍ଧି ପାଇ ୧୩୭.୫ ପଇସା ଏବଂ ଡିଜେଲ ୯ ପଇସା ବୃଦ୍ଧି ପାଇ ୧୫୧ ପଇସା ପ୍ରତି ଲିଟର ହୋଇଛି । ଇରାନରେ ଆମେରିକାର ଆକ୍ରମଣ ପୂର୍ବରୁ, ପେଟ୍ରୋଲ ଲିଟର ପିଛା ୧୩୨.୮୩ ପାଉଣ୍ଡ ଏବଂ ଡିଜେଲ ଲିଟର ପିଛା ୧୪୨.୩୮ ପାଉଣ୍ଡ ଥିଲା।

ସେ ଆହୁରି କହିଛନ୍ତି, ଗତ ସପ୍ତାହରେ ପେଟ୍ରୋଲ ଏବଂ ଡିଜେଲର ହାରାହାରି ମୂଲ୍ୟ ବୃଦ୍ଧି ପାଇଛି ଏବଂ ଦୁର୍ଭାଗ୍ୟବଶତଃ ଏହା ବୃଦ୍ଧି ପାଇବାର ସମ୍ଭାବନା ରହିଛି । ତେଣୁ ୟୁକେ ଡ୍ରାଇଭରମାନଙ୍କ ପାଇଁ ପରିସ୍ଥିତି କ୍ରମଶଃ ଦୁର୍ବଳ ଦେଖାଯାଉଛି। ଗୋଲ୍ଡମ୍ୟାନ୍ ସାକ୍ସ ପୂର୍ବାନୁମାନ କରିଛି ଯେ, ଏହି ସମୟ ମଧ୍ୟରେ ତେଲର ମୂଲ୍ୟ ଆହୁରି ବୃଦ୍ଧି ପାଇପାରେ । ମାସ ଶେଷ ସୁଦ୍ଧା ପ୍ରତି ବ୍ୟାରେଲ ପିଛା ୧୫୦ ଡଲାର ପର୍ଯ୍ୟନ୍ତ ବୃଦ୍ଧି ପାଇପାରେ।