ଋଷି ସୁନକଙ୍କ ୨ୟ ରାଉଣ୍ଡ ଭୋଟରେ ପୁଣି ଶୀର୍ଷରେ ରହିଲେ

ବ୍ରିଟେନରେ ଆଗାମୀ ପ୍ରଧାନମନ୍ତ୍ରୀ କିଏ ହେବ ତାହାକୁ ନେଇ କଞ୍ଜରଭେଟିଭ ପାର୍ଟିର ଭୋଟିଂ ଚାଲିଛି । ଦଳର ଯାହାକୁ ଅଧିକ ଭୋଟ ମିଳିବ ସେହିଁ ପରବର୍ତ୍ତି ପ୍ରଧାନମନ୍ତ୍ରୀ ହେବେ । ଏହି କ୍ରମରେ ପ୍ରଥମ ରାଉଣ୍ଡ ପରେ ଦ୍ବିତୀୟ ରାଉଣ୍ଡ ଭୋଟିଂ ବି ହୋଇଛି । ଯେଉଁମାନେ କମ ଭୋଟ ପାଉଛନ୍ତି ସେମାନେ ନିର୍ବାଚନରୁ ବାହାରି ଯାଉଛନ୍ତି । ତୃତୀୟ ରାଉଣ୍ଡ ଭୋଟିଂ ପାଇଁ ଏବେ ପାଂଚ ଜଣ ପ୍ରାର୍ଥୀ ରହିଛନ୍ତି । ଦ୍ବିତୀୟ ରାଉଣ୍ଡରେ ଋଷି ସୁନକ ପୁଣି ଥରେ ସର୍ବାଧିକ ଭୋଟ ପାଇଛନ୍ତି । କ୍ରମାଗତ ଭାବେ ଦ୍ୱିତୀୟ ରାଉଣ୍ଡର ଭୋଟିଂରେ ତାଙ୍କୁ ଭଲ ଭୋଟିଂ ମିଳିଛି । ଏହି ରାଉଣ୍ଡରେ ଋଷି ସୁନକଙ୍କୁ ୧୦୧ ସାଂସଦଙ୍କ ସମର୍ଥନ ମିଳିଛି । ଏବେ ବ୍ରିଟେନ୍‌ରେ ପ୍ରଧାନମନ୍ତ୍ରୀ ଦୌଡ଼ରେ ୫ ଜଣ ଅଛନ୍ତି । ଗୁରୁବାର ୩୫୮ ସାଂସଦ ପ୍ରଧାନମନ୍ତ୍ରୀ ପଦବି ପାଇଁ ୬ ଜଣ ପ୍ରାର୍ଥୀଙ୍କୁ ଭୋଟ ଦେଇଥିଲେ । ଶେଷ ରାଉଣ୍ଡରେ କେବଳ ଜଣେ ପ୍ରାର୍ଥୀ ବିଜୟୀ ହେବେ । ସେ ହିଁ ପ୍ରଧାନମନ୍ତ୍ରୀ ହେବେ । ସୂଚନାଯୋଗ୍ୟ ପ୍ରଥମ ରାଉଣ୍ଡର ଭୋଟିଂରେ ସୁନକଙ୍କୁ ୨୫ ପ୍ରତିଶତ ନେତା ଅର୍ଥାତ ୮୮ ଖଣ୍ଡ ଭୋଟ ମିଳିଥିଲା ଏବଂ ସେ ଏହି ରାଉଣ୍ଡରେ ଶୀର୍ଷରେ ଥିଲେ । ତୃତୀୟ ରାଉଣ୍ଡରେ ମଧ୍ୟ ସୁନକ ଅଧିକ ଭୋଟ ପାଇବାର ସଂଭାବନା ରହିଛି । ତେବେ 4ର୍ଥ ଏବଂ 5ମ ରାଉଣ୍ଡରେ ତାଙ୍କ ପାଇଁ କଷ୍ଟସାଧ୍ୟ ହୋଇପାରେ ।