ଗିରଫ ହୋଇ ମୁକ୍ତ ହେଲେ ଡୋନାଲ୍ଡ୍ ଟ୍ରମ୍ପ୍
ଆଟ୍ଲାଣ୍ଟା: ଜର୍ଜିଆ ନିର୍ବାଚନ ଜାଲିଆତିରେ ଗୁରୁବାର ରାତିରେ ଗିରଫ ହୋଇଥିବା ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ୍ ଟ୍ରମ୍ପ୍ଙ୍କୁ ପୁଣି ଜାମିନରେ ଛଡାଯାଇଛି । ତାଙ୍କୁ ଗିରଫ କରିବା ପରେ ୨୦୦,୦୦୦ ଡଲାର୍ ‘ବଣ୍ଡ୍’ ବା ମୁଚାଲିକାରେ ମୁକ୍ତ କରାଯାଇଥିବା ବିଭିନ୍ନ ରିପୋର୍ଟ ପ୍ରକାଶ ପାଇଛି । ମାତ୍ର ୨୦ ମିନିଟ୍ ପାଇଁ ଜେଲ୍ ଯାଇଥିବା ଟ୍ରମ୍ପ୍ଙ୍କ ମୁହଁର ଫଟୋ ମଧ୍ୟ ଉଠାଯାଇଥିଲା। ପୁଲିସ ରେକର୍ଡ ନିମନ୍ତେ ଆବଶ୍ୟକ ଏହି ଫଟୋକୁ ପରେ ପରେ ସାର୍ବଜନୀନ କରାଯାଇଥିଲା। ଏହାକୁ ନେଇ ଆମେରିକା ରାଜନୀତିରେ ପୁଣି ବତର୍କ ଆରମ୍ଭ ହୋଇଛି ।