୩ ରୁ ଓଜେଏସ୍‌ ଲିଖିତ ପରୀକ୍ଷା

କଟକ : ଓଡ଼ିଶା ଜୁଡିସିଆଲ ସର୍ଭିସ (ଓଜେଏସ) ମୁଖ୍ୟ ଲିଖିତ ପରୀକ୍ଷା ସେପ୍ଟେମ୍ବର ୩ରୁ ଅନୁଷ୍ଠିତ ହେବ। ଚଳିତବର୍ଷ ୯୯୪ ଜଣ ପରୀକ୍ଷାର୍ଥୀ ପରୀକ୍ଷା ଦେବେ। ୨୮ରୁ ଓପିଏସ୍‌ସି ୱେବ୍‌ସାଇଟରେ ପ୍ରବେଶପତ୍ର ଡାଉନ୍‌ଲୋଡ କରିହେବ ବୋଲି ଓପିଏସସି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।ସେପ୍ଟେମ୍ବର ୩ରୁ ପରୀକ୍ଷା ଆରମ୍ଭ ହୋଇ ୭ ତାରିଖ ପର୍ଯ୍ୟନ୍ତ ଚାଲିବ। ଦୁଇଟି ସିଟିଂରେ ପରୀକ୍ଷା ହେବ। ପ୍ରଥମ ସିଟିଂ ସକାଳ ୯.୩୦ ରୁ ମଧ୍ୟାହ୍ନ ୧୨ଟା ଓ ଦ୍ୱିତୀୟ ସିଟିଂ ଅପରାହ୍ଣ ୨ଟାରୁ ୪.୩୦ ପର୍ଯ୍ୟନ୍ତ ଚାଲିବ। ୩ରେ ବାଧ୍ୟତାମୂଳକ (କମ୍ପଲସରି) ବିଷୟ ଇଂରାଜୀ ଓ ପ୍ରୋସିଡ୍ୟୁରାଲ ଲ’ ପରୀକ୍ଷା ହେବ। ସେହିପରି ୪,୫ ଓ ୭ ତାରିଖ ଇଚ୍ଛାଧୀନ(ଅପ୍ସନାଲ) ବିଷୟଗୁଡିକ ପରୀକ୍ଷା ହେବ। ଓପିଏସ୍‌ସି ପକ୍ଷରୁ ଭୁବ​‌େ​‌ନଶ୍ୱର ଉତ୍କଳ ବିଶ୍ୱବିଦ୍ୟାଳୟରେ ୨ ଟି କେନ୍ଦ୍ର, କଟକରେ ସୁଧାନନ୍ଦ ଇଞ୍ଜିନିୟରିଂ କଲେଜ ଓ ସମ୍ବଲପୁରର ଧାନକୌଡା ସ୍ଥିତ ସେଣ୍ଟ ଜନ୍‌ସ୍‌ ସ୍କୁଲରେ ଗୋଟିଏ ଲେଖାଏଁ ପରୀକ୍ଷା କେନ୍ଦ୍ର କରାଯାଇଛି।