ନୟାପଲ୍ଲୀ ଦୋକାନ ଭାଙ୍ଗିବା ମାମଲା: ମାଟିରେ ମିଶିଲା ମୁଖ୍ୟ ଅଭିଯୁକ୍ତ ଘର

ନୟାପଲ୍ଲୀ ଜମି ଜବରଦଖଲ ମାମଲାରେ ମାଷ୍ଟର ମାଇଣ୍ଡ ଅଭିଯୁକ୍ତ ରାଘବ ଜେନାର ଝାରପଡ଼ାସ୍ଥିତ ଘରେ ବୁଲ ଡୋଜର ବୁଲାଇଛି ପୋଲିସ। ନୟାପଲ୍ଲୀ ଜମି ଜବରଦଖଲ ମାମଲା ରେ ପୋଲିସ ମଧ୍ୟ ଅନ୍ୟ ଅଭିଯୁକ୍ତମାନଙ୍କୁ ଏବେ ବି ଖୋଜୁଛି। ମାଷ୍ଟର ମାଇଣ୍ଡ  ରାଘବ ଜେନା ଭଡ଼ା ଲଗାଇଥିବା  ଘରେ ବୁଲ ଡୋଜର ମଧ୍ୟ ବୁଲାଇଛି ପୋଲିସ।ଏଥିସହିତ ସରକାରୀ ଜମିରେ ଗଢି ଉଠିଥିବା ୩୦ ରୁ ଉର୍ଦ୍ଧ୍ବ ଘର, ଦୋକାନ ମଧ୍ୟ ଭଙ୍ଗାଯାଇଛି ।

ଝାରପଡ଼ା ମେଳଣ ପଡ଼ିଆ ନିକଟରେ ଥିବା ସରକାରୀ ଜମିରେ ପ୍ରାୟ ୩୦ରୁ ଅଧିକ ଘର କରି ଭଡ଼ାରେ ଲଗାଇଥିଲା ରାଘବ । ରାଘବ ବିବାଦୀୟ ଜମିକୁ ଦଖଲ ଦେବା ପାଇଁ ଲକ୍ଷ ଲକ୍ଷ ଟଙ୍କା ନେଉଥିଲା। ନିଜେ ସରକାରୀ ଜମିକୁ ଦଖଲ କରି ଏକ ମାର୍କେଟ କରିଥିଲା।  ପ୍ରାୟ ୯୩ଟି ଦୋକାନ ଓ ବାସଗୃହ ରହିଥିବାବେଳେ ସେଥି ମଧ୍ୟରୁ ରାଘବର ୪୦ଟି ଥିଲା । ବିଏମ୍ ସି ଓ ବିଡିଏ ସରକାରୀ ଜମି ଦଖଲମୁକ୍ତ ପାଇଁ ଉଚ୍ଛେଦକାରୀ ଦଳ ପକ୍ଷରୁ ଦିନକ ପୂର୍ବରୁ ଜଣାଇ ଦିଆଯାଇଥିଲା। ସକାଳୁ ଫୋର୍ସ ସହ ଉଚ୍ଛେଦକାରୀ ଦଳ ପହଞ୍ଚି ରାଘବ ଦଖଲ କରିଥିବା ସମସ୍ତ ଘରକୁ ଭାଙ୍ଗି ଦେଇଥିଲେ। ଏହି ଘରଗଡ଼ିକୁ ରାଘବ ଭଡ଼ାରେ ଦେଇ ମାସକୁ ଲକ୍ଷାଧିକ ଟଙ୍କା ପାଉଥିଲା।

ଗତ ୨୪ ତାରିଖ ରାତିରେ ବାହୁବଳୀ ଗୁଣ୍ଡାମାନେ ରାଘବ ନିର୍ଦେଶରେ ନୂଆପଲ୍ଲୀ ଥାନା ଅଧୀନ ତଥା ଜାତୀୟ ରାଜପଥ ପାର୍ଶ୍ବରେ ଥିବା ଇସ୍କନ ମନ୍ଦିର ନିକଟରେ ଦୁଇ ଦୋକାନକୁ ବୁଲ୍‌ଡୋଜରରେ ଭାଙ୍ଗି ଜିନିଷ ଲୁଟି ନେଇଥିଲେ। ପ୍ରାୟ ଦୁଇ ଘଣ୍ଟା ଧରି ଦଳର ସଦସ୍ୟ ସେଠାରେ ଉନ୍ମତ୍ତ କାଣ୍ଡ ଘଟାଇଥିଲେ ମଧ୍ୟ ପଲିସ କୁ ସାମାନ୍ୟ ସରାକ ମିଳିନଥିଲା। ୧୦୦ରୁ ଅଧିକ ବାହୁବଳୀ ଏହି ଘଟଣାର  ଜଡ଼ିତ ଥିଲେ । ଗତକାଲି ଏହି ଘଟାଣରେ ୫ ଅଭିଯୁକ୍ତଙ୍କୁ ଗିରଫ କରିଥିଲା ପୋଲିସ । ମାଷ୍ଟର ମାଇଣ୍ଡ ରାଘବ ଜେନା ଏବେ ବି ଫେରାର ଥିବା କୁହାଯାଉଛି । ତାକୁ ଧରିବା ପାଇଁ ୩ ଟି ସ୍ପେଶାଲ ଟିମ ରାଜ୍ୟ ଓ ରାଜ୍ୟ ବାହାରେ ଚଢ଼ାଉ କରିଛି । ସେପଟେ ମେଟ୍ରୋ ଟିଭି ପକ୍ଷରୁ ନୟାପଲ୍ଲୀ ଦୋକାନ ଭଙ୍ଗା ଘଟଣାକୁ ବାରମ୍ବାର ପ୍ରସାରିତ କରାଯାଇଥିଲା । ଏହାର ପ୍ରଭାବ ମଧ୍ୟ ପଡ଼ିଛି । ଅପରାଧିଙ୍କ ଉପରେ ପୋଲିସ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଆଗାମୀ ଦିନରେ ଅପରାଧିଙ୍କୁ ଏପରି ବେନିୟମ କାର୍ଯ୍ୟ କରିବାକୁ ସୁଯୋଗ ଦିଆଯିବ ନାହିଁ ବୋଲି ପୋଲିସ ପକ୍ଷରୁ କୁହାଯାଇଛି ।