ସରକାରୀ ଟେଲିକମ୍ କମ୍ପାନୀ ଆନୁଷ୍ଠାନିକ ଭାବରେ ଆରମ୍ଭ କରିଛି VoWiFi ସର୍ଭିସ୍, ଦୂର ହେବ କଲ୍ ଡ୍ରପ୍ ସମସ୍ୟା

BSNL ୟୁଜର୍ସଙ୍କ ପାଇଁ ଆସିଲା ଖୁସି ଖବର । BSNL ସାରା ଭାରତରେ କଲ୍ ଡ୍ରପ୍ ସମସ୍ୟାକୁ ଦୂର କରିଛି । ସରକାରୀ ଟେଲିକମ୍ କମ୍ପାନୀ ଆନୁଷ୍ଠାନିକ ଭାବରେ VoWiFi ସର୍ଭିସ୍ ଆରମ୍ଭ କରିଛି । ଏହି ସେବା ଆରମ୍ଭ ହେବା ସହିତ, ଭାରତ ସଂଚାର ନିଗମ ଲିମିଟେଡ୍ ଅର୍ଥାତ୍ BSNL ନେଟୱାର୍କ ନଥିବା ଅଞ୍ଚଳରେ ମଧ୍ୟ କଲ୍ କରିବାକୁ ଅନୁମତି ଦେବ । ୟୁଜର୍ସମାନେ ସେମାନଙ୍କର ଫୋନକୁ Wi-Fi ସହିତ କନେକ୍ଟ କରିପାରିବେ ଏବଂ କଲିଂ ସୁବିଧା ପାଇପାରିବେ । ନିକଟରେ, ଘରୋଇ କମ୍ପାନୀ ଏୟାରଟେଲ୍ ଏବଂ ଜିଓ ସାରା ଦେଶରେ VoWiFi ସର୍ଭିସ୍ ପ୍ରଦାନ କରନ୍ତି ।

BSNL ଏହାର ଅଫିସିଆଲ୍ X ହ୍ୟାଣ୍ଡେଲ ମାଧ୍ୟମରେ ଘୋଷଣା କରିଛି ଯେ ସାରା ଭାରତରେ ଭଏସ୍ ଓଭର ୱାଇ-ଫାଇ ସର୍ଭିସ୍ ଆରମ୍ଭ ହୋଇଛି ।  ଯଦି କୌଣସି ସ୍ଥାନରେ ସିଗନାଲ ସମସ୍ୟା ଅଛି, ତେବେ ଆପଣ VoWiFi ମାଧ୍ୟମରେ ଆପଣଙ୍କ ପ୍ରିୟଜନଙ୍କ ସହ କନେକ୍ଟ କରିପାରିବେ । ଭାରତ ସଂଚାର ନିଗମ ଲିମିଟେଡ୍ କିଛି ମାସ ପୂର୍ବରୁ ସାରା ଭାରତରେ ଏହାର 4G ସର୍ଭିସ୍ ଆରମ୍ଭ କରିଛି  । ଏଥିପାଇଁ କମ୍ପାନୀ ୯୨,୦୦୦ ରୁ ଅଧିକ ନୂଆ 4G/5G ମୋବାଇଲ୍ ଟାୱାର ସ୍ଥାପନ କରିଛି । ଆଗାମୀ ଦିନରେ କମ୍ପାନୀ ୧ ଲକ୍ଷ ଅଧିକ ନୂଆ 4G/5G ଟାୱାର ସ୍ଥାପନ କରିବାକୁ ଯାଉଛି । ଭାରତ ସଂଚାର ନିଗମ ଲିମିଟେଡର 4G/5G ନେଟୱାର୍କ ସମ୍ପୂର୍ଣ୍ଣ ସ୍ୱଦେଶୀ ଟେକ୍ନୋଲୋଜୀ ଉପରେ ବେସ୍ଡ ।

BSNL VoWiFi ର ଲାଭ:
BSNLର VoWiFi ସର୍ଭିସ୍ କମ୍ପାନୀର ସେହି ୟୁଜର୍ସମାନଙ୍କୁ ଲାଭଦାୟକ ହେବ ଯେଉଁମାନେ ଦୂରଦୂରାନ୍ତରେ ରହନ୍ତି । ଯେଉଁଠାରେ BSNLର ମୋବାଇଲ୍ ନେଟୱାର୍କର କ୍ଷମତା କମ୍ ଥାଏ କିମ୍ବା କୌଣସି ନେଟୱାର୍କ ଥାଏ, ସେଠାରେ ୟୁଜର୍ସମାନେ ହୋମ୍ ବ୍ରଡବ୍ୟାଣ୍ଡ ସାହାଯ୍ୟରେ କଲିଙ୍ଗ ସୁବିଧା ପାଇପାରିବେ । ଏଥିସହ ଯେଉଁଠାରେ, ସହରାଞ୍ଚଳରେ, ଉପଭୋକ୍ତାମାନେ ଅଫିସ୍, ବେସମେଣ୍ଟ୍ ଇତ୍ୟାଦି ନେଟୱାର୍କ ନଥିବା ଜୋନରେ ମଧ୍ୟ କନେକ୍ଟିଭିଟି ପାଇପାରିବେ । ହେଲେ, BSNLର ଏହି ସର୍ଭିସ୍ କେବଳ ସପୋଟେଡ୍ ମୋବାଇଲ୍ ଡିଭାଇସ୍‌ରେ କାମ କରିବ । ଅଧିକାଂଶ ସ୍ମାର୍ଟଫୋନ୍ କମ୍ପାନୀ ସେମାନଙ୍କର ମିଡ ଏବଂ ପ୍ରିମିୟମ୍ ଫୋନ୍‌ରେ VoWiFi ସର୍ଭିସ୍ ପ୍ରଦାନ କରନ୍ତି । ହେଲେ, କିଛି ବଜେଟ୍ ଫୋନରେ VoWiFi କନେକ୍ଟିଭିଟି ଉପଲବ୍ଧ ନାହିଁ ।

ଏଥିସହ ଜାଣିରଖନ୍ତୁ ଯେ, କମ୍ପାନୀ ୟୁଜର୍ସମାନଙ୍କୁ ସୂଚନା ଦେଇଛି ଯେ ଅଧିକାଂଶ ମର୍ଡନ ସ୍ମାର୍ଟଫୋନରେ VoWiFi ସପୋର୍ଟ କରିଥାଏ । ଏହି ସର୍ଭିସ୍ ପାଇବା ପାଇଁ, BSNL ୟୁଜର୍ସମାନେ ସେମାନଙ୍କ ଫୋନର ସେଟିଂସରେ VoWiFi ଆକ୍ଟିଭ୍ କରିପାରିବେ । ଯଦି ୟୁଜର୍ସମାନେ କୌଣସି ସମସ୍ୟାର ସମ୍ମୁଖୀନ ହୁଅନ୍ତି, ତେବେ ସେମାନେ କମ୍ପାନୀର ହେଲ୍ପଲାଇନ୍ ନମ୍ବରକୁ କଲ୍ କରିପାରିବେ ।