ସରକାରଙ୍କ ସ୍ମାର୍ଟ ସ୍କୁଲ, ଉପର ଚିକ୍କଣ.. ଭିତର ଫମ୍ପା !

ମେଟ୍ରୋ ଟିଭି ଓଡିଶା (୬.୭.୨୦୨୨)

ସରକାରଙ୍କ ଉନ୍ନତି ପଛର ନଗ୍ନ ଚିତ୍ର । ସଫଳତା ପଛର ବଡ଼ ବଫଳତା । ବର୍ଷା ପାଣିରେ ଉବୁଟୁବୁ ହେଉଛି ବରଗଡ଼ ଜିଲ୍ଲା ଅତାବିରା ବ୍ଲକରେ ଥିବା ଲରମ୍ଭା ଉଚ୍ଚ ବିଦ୍ୟାଳୟ । ଏହି ବିଦ୍ୟାଳୟ ୧୯୩୮ ମସିହାରେ ହୋଇଥିବା ବେଳେ ଏଠାରେ ଷଷ୍ଠରୁ ଦଶମ ଶ୍ରେଣୀ ପର୍ଯ୍ୟନ୍ତ ୫୧୦ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ହେଲେ ଅସରାଏ ବର୍ଷା ହେଲେ ସ୍ଥିତି ନକହିବା ଭଲ । କାରଣ ଅଶରାଏ ବର୍ଷାରେ ଭାସୁଛି ସ୍ମାର୍ଟ ସ୍କୁଲ ।

ପାଠ ପଢ଼ିବା ପାଇଁ ପିଲାଙ୍କୁ ଆସିବାକୁ ପଡ଼ୁଛି ଆଣ୍ଠୁଏ ଆଣ୍ଠୁଏ ପାଣିରେ ।ପିଲାମାନେ ଏହି ପାଣି ଭିତରେ ପଶି ବିଦ୍ୟାଳୟକୁ ଆସୁଛନ୍ତି । ବର୍ଷା ପାଣି ଜମି ରହିଥିବାରୁ ପାଠ ପଢ଼ାରେ ମଧ୍ୟ ବାଧା ଉପୁଜୁଛି । ଖାଲି ସେତିକି ନୁହେଁ ବିଷାକ୍ତ ସାପ ମଧ୍ୟ ସ୍କୁଲ ଭିତରକୁ ପଶି ଆସୁଛନ୍ତି । ଗତକାଲି ଗୋଟିଏ ଦିନରେ ସ୍କୁଲରେ ୫ଟି ବିଷଧର ସାପକୁ ମରାଯାଇଛି । ସେପଟେ ମଧ୍ୟହ୍ନ ଭୋଜନ ପାଇଁ ଏହି ୫ଟି ସ୍କୁଲରେ ଘର ନାହିଁ । ବାହାରେ ରୋଷେଇ ହେଉଥିବା ବେଳେ ବର୍ଷା ହେଲେ ବସି ଖାଇବାକୁ ମଧ୍ୟ ଯାଗା ପାଉନାହାନ୍ତି ଛାତ୍ରଛାତ୍ରୀ ।