ଭାରତକୁ ୪ ଓ୍ବିକେଟରେ ହରାଇଲା ଅଷ୍ଟ୍ରେଲିଆ
ମୋହାଲି : ପ୍ରଥମ ଟି-୨୦ରେ ଅଷ୍ଟ୍ରେଲିଆ ଭାରତକୁ ୪ ଓ୍ବିକେଟରେ ପରାସ୍ତ କରିଛି । ୨୦୯ ରନର ବିଜୟ ଲକ୍ଷ୍ୟକୁ ଅଷ୍ଟ୍ରେଲିଆ ୧୯.୨ ତମ ଓଭରରେ ହାସଲ କରିନେଇଥିଲା । ପ୍ରଥମେ ବ୍ୟାଟିଂ କରି ଭାରତ ୨୦ ଓଭରରେ ୬ ଓ୍ବିକେଟ ହରାଇ ୨୦୮ ରନ କରିଥିଲା । କେଏଲ ରାହୁଲ ୫୫ ରନ ଓ ସୂର୍ଯ୍ୟକୁମାର ୪୮ ରନ କରି ଆଉଟ ହୋଇଥିଲେ । ହାର୍ଦ୍ଦିକ ପାଣ୍ଡ୍ୟା ଦ୍ରୁତ ବ୍ୟାଟିଂ କରି ମାତ୍ର ୩୦ଟି ବଲରେ ୭୧ ରନ କରିଥିଲେ ।
ଅଷ୍ଟ୍ରେଲିଆ ପକ୍ଷରୁ ଗ୍ଲେନ ମ୍ୟାକ୍ସଓ୍ଵେଲ(୧) ଅଧିକ ସମୟ କ୍ରିଜରେ ତିଷ୍ଠି ପାରିନଥିଲେ। ଜୋସ୍ ଇଙ୍ଗ୍ଲିସ ୧୭ ରନରେ ବିଦାୟ ନେଇଥିଲେ। ୧୪୫ ରନରେ ୫ ଓ୍ଵିକେଟ୍ ହରାଇ ମୁସ୍କିଲରେ ପଡିଥିବା ଅଷ୍ଟ୍ରେଲିଆକୁ ମାଥ୍ୟୁ ଓ୍ଵାଦେ ଏବଂ ଟିମ୍ ଡେଭିଡ୍ ବିଜୟ ଆଡକୁ ନେଇଥିଲେ।
କାମେରନ ଗ୍ରୀନ ସର୍ବାଧିକ ୬୧ ରନ, ଷ୍ଟିଭ ସ୍ମିଥ ୩୫ ରନ ଓ ଆରନ ଫିଞ୍ଚ୍ ୨୨ରନ କରିଥିଲେ । ମାଥ୍ୟ ଓ୍ବାଡେ ବିସ୍ଫୋରକ ବ୍ୟାଟିଂ କରି ମାତ୍ର ୨୧ଟି ବଲରେ ୪୫ ରନ କରି ଦଳ ପାଇଁ ବିଜୟ ଆଣି ଦେଇଥିଲେ ।
ବଡ଼ ସ୍କୋର କରି ମଧ୍ୟ ପରାଜିତ ହୋଇଛନ୍ତି ଭାରତୀୟ ଟିମ୍ । ମୋହାଲିର ହାଇ ସ୍କୋରିଂ ପିଚ୍ରେ ବୋଲରଙ୍କ ବୋଲିଂ ଲାଇନ ଠିକ୍ ନଥିବାରୁ ଅଷ୍ଟ୍ରେଲିଆ ମ୍ୟାଚ୍କୁ ୪ ଓ୍ଵିକେଟ୍ରେ ଜିତି ନେଇଛି। ଏହି ବିଜୟ ସହ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରେ ଅଷ୍ଟ୍ରେଲିଆ ୧-୦ରେ ଅଗ୍ରଣୀ ହାସଲ କରିଛି।