ଫାଇନାଲ ଯିବା ଆଶାରେ ମେସି, ଆଜି ଆର୍ଜେଣ୍ଟିନାକୁ ଟକ୍କର ଦେବ କ୍ରୋଏସିଆ

ଆଜିଠୁ ଫିଫା ବିଶ୍ବକପ୍‌ର ସେମିଫାଇନାଲ୍‌ । ପ୍ରଥମ ମ୍ୟାଚ୍‌ରେ ମେସିଙ୍କ ଆର୍ଜେଣ୍ଟିନା ସହିତ କ୍ରୋଏସିଆର ମୁକାବିଲା ହେବ। ସେହିପରି ପୂର୍ବତନ ବିଜେତା ଫ୍ରାନ୍ସ ଓ ଚଳିତ ବର୍ଷର ବଡ଼ ବିପର୍ଯ୍ୟୟକାରୀ ମରକ୍କୋ ମଧ୍ୟରେ ବୁଧବାର ଦ୍ବିତୀୟ ସେମିଫାଇନାଲ୍‌ ମ୍ୟାଚ୍ ଖେଳାଯିବ। ଫ୍ରାନ୍ସ ଓ ଆର୍ଜେଣ୍ଟିନା ଏଥର ଟ୍ରଫି ଦାବିଦାର ଅଛନ୍ତି । ଅନ୍ୟପକ୍ଷରେ ଗତ ସଂସ୍କରଣର ଉପବିଜେତା କ୍ରୋଏସିଆ ଏବେ ବି ଫର୍ମରେ ଅଛି । ମରକ୍କୋ ମଧ୍ୟ ଭଲ ଖେଳୁଛି । ଆର୍ଜେଣ୍ଟିନା ଶେଷଥର ପାଇଁ ୨୦୧୪ରେ ଫାଇନାଲ୍‌କୁ ଯାଇଥିଲା, କିନ୍ତୁ ଦଳ ଉପବିଜେତା ହୋଇଥିଲା। ଏଥର ଯିଏ ଫିଲ୍ଡ ଗୋଲ କରିବ ସେହି ଦଳ ଜିତିବା ସହଜ ହେବ । ତେବେ କିଏ ଜିତୁଛି ଆଜି ତାହାକୁ ଅପେକ୍ଷା ।