ସେପ୍ଟେମ୍ବରରେ ପ୍ରଧାନମନ୍ତ୍ରୀ ପଦ ଛାଡିବେ ମୋଦୀ?

ବିଜେପିର ଅଲିଖିତ ନିୟମ ଅନୁସାରେ ସତରେ କ’ଣ ଆଗାମୀ ସେପ୍ଟେମ୍ବରରେ ପ୍ରଧାନମନ୍ତ୍ରୀ ପଦ ଛାଡିବେ ମୋଦୀ? ୭୫ବର୍ଷ ହୋଇସାରିଥିବା ନେତାମାନଙ୍କୁ ବିଜେପି ସରକାରରେ କୌଣସି ଦାୟିତ୍ବ ଦିଆଯାଉନାହିଁ  । ୨୦୧୪ ଲୋକସଭା ନିର୍ବାଚନରେ ପରେ ପ୍ରଧାନମନ୍ତ୍ରୀ ଦାୟିତ୍ବ ଗ୍ରହଣ କଲାପରେ ନରେନ୍ଦ୍ର ମୋଦୀ ଏଭଳି ନିଷ୍ପତ୍ତି ନେଇଥିଲେ । ପ୍ରଧାନମନ୍ତ୍ରୀ ମୋଦୀ ଆଗାମୀ ସେପ୍ଟେମ୍ବରରେ ୭୫ବର୍ଷରେ ପଦାର୍ପଣ କରିବେ । ତେଣୁ ତାଙ୍କ ଦ୍ବାରା ଜାରି ହୋଇଥିବା ନିଷ୍ପତ୍ତି ଅନୁସାରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ମୋଦୀ  ଅନ୍ୟ କାହାକୁ ନିଜର ଉତ୍ତରାଧିକାରୀ ଭାବେ ମନୋନୀତ କରିବାକୁ ପଡିପାରେ । କେବଳ ଏଥିପାଇଁ ପ୍ରଧାନମନ୍ତ୍ରୀ ନିଜର ତୃତୀୟ ପାଳିରେ ଆରଏସଏସ ମୁଖ୍ୟାଳୟରେ ଯାଇଥିଲେ ବୋଲି ଶିବସେନା ଉଦ୍ଧବ ଗୋଷ୍ଠୀ ଦାବି କରିଛି ।

ଶିବସେନାର ଏଭଳି ମନ୍ତବ୍ୟ ଦେବା ମାତ୍ରେ ଏହାକୁ ଖଣ୍ଡନ କରିବାକୁ ଆଗେଇ ଆସିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ଭାରତୀୟ ସଂସ୍କୃତିରେ ଘରର ମୁଖ୍ୟ ଥିଲେ ଅନ୍ୟ କାହାକୁ ତାଙ୍କର ଉତ୍ତରାଧିକାରୀ ଭାବ ବଛା ଯାଏ ନାହିଁ ବୋଲି ମୁଖ୍ୟମନ୍ତ୍ରୀ ମତ ଦେଇଛନ୍ତି । ଏହା ସହ ଶିବସେନାର ବୟାନ ମୋଗଲ ସଂସ୍କୃତ ବୋଲି ବୟାନ ଦେଇ ବର୍ତ୍ତମାନର ରାଜନୀତି ସହ ଯୋଡିବାକୁ ଚେଷ୍ଟା କରିଛନ୍ତି ।

୭୫ବର୍ଷ ପୁରୁଣ କରିଥିବା ଯୋଗୁଁ ବିଜେପିର ବହୁ ତୁଙ୍ଗନେତା ତଥା ଏଲକେ ଆଡବାଣୀ,ମୁରଲୀ ମନୋହର ଯୋଶୀ ଓ ୟଶୱନ୍ତ ସିହ୍ନାଙ୍କ ଭଳି ବରିଷ୍ଠଙ୍କୁ ପ୍ରଧାନମନ୍ତ୍ରୀ ମୋଦୀ ସରକାରରେ କୌଣସି ପଦବୀ ମିଳିନଥିଲା। ଏହା ପଛରେ ପୁରୁଣାଙ୍କୁ ହଟାଇ, ନୂଆ ମାନଙ୍କୁ ସଂଗଠନ ଓ ସରକାରରେ ସାମିଲ କରାଇଥିବା ନେଇ ଆରଏସଏସର ଏଜେଣ୍ଡା ଥିଲା ବୋଲି କୁହାଯାଏ । ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଥିବା ସମୟରେ ବିଜେପି ଆଶାତୀତ ସଫଳତା ପାଇଛି । ତେଣୁ ଏଭଳି କ୍ଷେତ୍ରରେ ଆରଏସଏସ ତାଙ୍କୁ ୭୫ବର୍ଷ ବୟସରେ ରାଜନୀତି ଛାଡିବାକୁ କହିବ ନା ନୂଆ ରାଷ୍ଟ୍ରୀୟ ସଭାପତି ବିଷୟରେ ଆଲୋଚନା ପାଇଁ ପ୍ରଧାନମନ୍ତ୍ରୀ ମୋଦୀଙ୍କ ବ୍ୟକ୍ତିଗତ ଭାବେ ଆରଏସଏସ ମୁଖ୍ୟାଳୟକୁ ଯାଇଥିଲେ ଏନେଇ ଚର୍ଚ୍ଚା ଚାଲିଛି ।