୧୦% ସଂରକ୍ଷଣ କାଏମ୍ ରଖିଲେ ସୁପ୍ରିମ୍ କୋର୍ଟ
ନୂଆଦିଲ୍ଲୀ: ଅଣସଂରକ୍ଷିତ ବର୍ଗର ‘ଆର୍ଥିକ ଅନଗ୍ରସର ବର୍ଗ’ଙ୍କ (ଇଡବ୍ଲୁଏସ୍) ନିମନ୍ତେ ୧୦% ସଂରକ୍ଷଣ ବ୍ୟବସ୍ଥା କରିଥିବା ସମ୍ବିଧାନର ୧୦୩ତମ ସଂଶୋଧନକୁ ଆଜି ସୁପ୍ରିମ୍ କୋର୍ଟ କାଏମ ରଖିଛନ୍ତି। ପ୍ରଧାନ ବିଚାରପତି ୟୁ. ୟୁ. ଲଳିତ, ବିଚାରପତି ଦିନେଶ ମାହେଶ୍ବରୀ, ଏସ୍. ରବୀନ୍ଦ୍ର ଭଟ୍ଟ, ବେଲା ଏମ୍. ତ୍ରିବେଦୀ ଏବଂ ଜେ. ବି. ପାର୍ଦିୱାଲାଙ୍କୁ ନେଇ ଗଠିତ ପାଞ୍ଚବିଚାରପତିବିଶିଷ୍ଟ ସାମ୍ବିଧାନିକ ଖଣ୍ଡପୀଠ କହିଛନ୍ତି ଯେ, ଏହି ସଂଶୋଧନରେ ଅଣାଯାଇଥିବା ବ୍ୟବସ୍ଥା ଦ୍ବାରା ସମ୍ବିଧାନ ଉଲ୍ଲଂଘନ ହେଉନାହିଁ।
ଏହି ବ୍ୟବସ୍ଥା ଅନୁସାରେ, କେନ୍ଦ୍ର ସରକାରଙ୍କ ପ୍ରତିଷ୍ଠାନରେ ନାମଲେଖା ଏବଂ କେନ୍ଦ୍ର ସରକାରଙ୍କ ଚାକିରି କ୍ଷେତ୍ରରେ ହିତାଧିକାରୀମାନଙ୍କୁ ଏହି ସଂରକ୍ଷଣ ସୁବିଧା ମିଳିଥାଏ ।