ସୌରଭ ଗାଙ୍ଗୁଲିଙ୍କ କାରକୁ ଧକ୍କା ଦେଲା ଟ୍ରକ
ଗୁରୁବାର ଦୁର୍ଗାପୁର ଏକ୍ସପ୍ରେସୱେରେ ପୂର୍ବତନ ଭାରତୀୟ କ୍ରିକେଟର ସୌରଭ ଗାଙ୍ଗୁଲିଙ୍କ କାର ଦୁର୍ଘଟଣାଗ୍ରସ୍ତ ହୋଇଛି। ସୌରଭ ଗାଙ୍ଗୁଲି ଏକ କାର୍ଯ୍ୟକ୍ରମରେ ଯୋଗଦେବାକୁ ବର୍ଧବାନ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା।
ସୂଚନା ଅନୁଯାୟୀ, ଦାନ୍ତନପୁର ନିକଟରେ ହଠାତ୍ ଏକ ଟ୍ରକ ତାଙ୍କ କାଫଲା ସାମ୍ନାକୁ ଆସିଗଲା, ଯାହା ଫଳରେ ତାଙ୍କ ଡ୍ରାଇଭରଙ୍କୁ ହଠାତ୍ ବ୍ରେକ୍ ଲଗାଇବାକୁ ପଡିଲା। ଏହି କାରଣରୁ, ପଛରୁ ଆସୁଥିବା ଗାଡ଼ିଗୁଡ଼ିକ ପରସ୍ପର ସହିତ ଧକ୍କା ହୋଇଥିଲା ଏବଂ ସେମାନଙ୍କ ମଧ୍ୟରୁ ଗୋଟିଏ ସୌରଭ ଗାଙ୍ଗୁଲିଙ୍କ ଗାଡ଼ି ସହିତ ଧକ୍କା ହୋଇଥିଲା।
ସୌଭାଗ୍ୟବଶତଃ, ଏହି ଦୁର୍ଘଟଣାରେ ସୌରଭ ଗାଙ୍ଗୁଲି କିମ୍ବା ତାଙ୍କ ଗାଡ଼ିରେ ଥିବା ଅନ୍ୟ କେହି ଆହତ ହୋଇ ନାହାଁନ୍ତି। କିନ୍ତୁ ଗାଙ୍ଗୁଲିଙ୍କ ସହିତ ଆସୁଥିବା ଦୁଇଟି ଗାଡ଼ି କ୍ଷତିଗ୍ରସ୍ତ ହୋଇଥିବା କୁହାଯାଉଛି। ଦୁର୍ଘଟଣା ପରେ, ସୌରଭ ଗାଙ୍ଗୁଲିଙ୍କୁ ପ୍ରାୟ ୧୦ ମିନିଟ୍ ପର୍ଯ୍ୟନ୍ତ ରାସ୍ତାରେ ଅପେକ୍ଷା କରିବାକୁ ପଡିଥିଲା, ତା’ପରେ ସେ କାର୍ଯ୍ୟକ୍ରମକୁ ଚାଲିଗଲେ ଏବଂ ବର୍ଧମାନ ବିଶ୍ୱବିଦ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଇଥିଲେ।