ରେଲୱେ ଖାଦ୍ୟ ଖାଇବା ପରେ ୮୦ ଲୋକ ଅସୁସ୍ଥ

ରେଳବାଇ ଦ୍ୱାରା ଦିଆଯାଇଥିବା ଖାଦ୍ୟ ଖାଇବା ପରେ ପ୍ରାୟ ୮୦ ଜଣ ଲୋକ ଫୁଡ ପଏଜନିଙ୍ଗ୍‌ର ଶିକାର ହୋଇଥିଲେ । ଏହା ପରେ ସେହି ଟ୍ରେନ୍‌ର ସମସ୍ତ ଯାତ୍ରୀଙ୍କୁ ପୁଣେର ସୁସୁନ ହସ୍ପିଟାଲରେ ଭର୍ତ୍ତି କରାଯାଇଛି ।ବିଳମ୍ବିତ ରାତିରେ ଟ୍ରେନ୍‌ ପୁଣେ ରେଳ ଷ୍ଟେସନରେ ପହଞ୍ଚିବା ପରେ ସମସ୍ତ ଅସୁସ୍ଥ ଯାତ୍ରୀଙ୍କୁ ରେଳ ଷ୍ଟେସନରେ ପ୍ରଥମେ ଚିକିତ୍ସା କରାଯାଇଥିଲା । ଏହା ପରେ ସେମାନଙ୍କୁ ପୁଣେର ସୁସୁନ ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ଏପରି ସୂଚନା ରହିଛି ଯେ ସମସ୍ତ ଯାତ୍ରୀଙ୍କ ଅବସ୍ଥା ଠିକ୍‌ ଥିବା କୁହାଯାଉଛି ।