Redmi ଆଣୁଛି ଷ୍ଟାଇଲିସ୍‌ ସ୍ମାର୍ଟଫୋନ

ଡିସେମ୍ବର ମାସର ପ୍ରଥମ ସପ୍ତାହରେ କମ୍ପାନୀ ଅଫିସିଆଲ ଭାବେ Redmi 13C ଲଞ୍ଚ କରିବାକୁ ଯାଉଛି । ଏହି ଫୋନକୁ ବିଶ୍ୱର ବିଭିନ୍ନ ବଜାରରେ ଲଞ୍ଚ କରାଯିବ । ବର୍ତ୍ତମାନ କମ୍ପାନୀ ଏହାର ଲଞ୍ଚ ଡେଟ ଘୋଷଣା କରିଛି । ସୂଚନା ଥାଉ କି ଏହି ଫୋନ୍ ଭାରତରେ ୬ ଡିସେମ୍ବରରେ ଲଞ୍ଚ ହେବ । କିନ୍ତୁ କେଉଁ ସମୟରେ ଲଞ୍ଚ ହେବ ତାକୁ ନେଇ କମ୍ପାନୀ ତରଫରୁ କିଛି ସୂଚନା ମିଳି ନାହିଁ ।ଭାଇରାଲ ହୋଇଥିବା ଏକ ଲିକ୍ ଅନୁଯାୟୀ ଭାରତରେ ଲଞ୍ଚ ହେବାକୁ ଥିବା Redmi 13C ଅନ୍ୟ ଅଞ୍ଚଳରେ ବିକ୍ରି ହେଉଥିବା ଭାରିଆଣ୍ଟ ସହିତ ସମାନ ହେବ । ତେଣୁ ମୂଲ୍ୟ ବ୍ୟତୀତ ଫୋନ୍ ବିଷୟରେ ସବୁକିଛି ଜଣା ପଡିପାରେ । ଏହାର ଅର୍ଥ ହେଉଛି ହ୍ୟାଣ୍ଡସେଟରେ ୬.୭୪ -ଇଞ୍ଚ HD + ଡିସପ୍ଲେ (୧୬୦୦ x ୭୨୦ ପିକ୍ସେଲ) ରହିବ, ଯେଉଁଥିରେ ୨୬୦ PPI ରହିବ । ପ୍ୟାନେଲ ୯୦ Hz ରିଫ୍ରେସ ରେଟ୍‌ ଏବଂ ୬୦୦ ନିଟ୍ସର ପିକ୍‌ ବ୍ରାଇଟନେସକୁ ସପୋର୍ଟ କରିବ ।