କେନ୍ଦ୍ର ସରକାର ଆରମ୍ଭ କରିବେ ସିକଲ ସେଲ ପରୀକ୍ଷା

ଭୁବନେଶ୍ବର: ୨୦୪୭ ସୁଦ୍ଧା ଦେଶ ହେବ ସିକଲ ସେଲ ମୁକ୍ତ । ଏ ନେଇ କେନ୍ଦ୍ର ସରକାର ଓଡ଼ିଶାର ୨୦ ଜିଲ୍ଲାରେ ରାଜ୍ୟ ସହାଭାଗିତାରେ ଆରମ୍ଭ କରିବେ ସିକଲ ସେଲ ପରୀକ୍ଷା । ତେବେ ଅନ୍ୟ ୧୦ ଜିଲ୍ଲାରେ ନିଜସ୍ୱ ଅର୍ଥରୁ ରାଜ୍ୟ ସରକାର ପରୀକ୍ଷା କରିବେ ।୨୫ ବର୍ଷ ବୟସ୍କ ପିଲାଙ୍କ ହେବ ସିକିଲ ସେଲ ପରୀକ୍ଷା । ଏହି ରୋଗ ଯେପରି ଆଗାମୀ ପିଢ଼ିକୁ ନ ବ୍ୟାପେ, ସେଥିପାଇଁ ମ୍ୟାଚ ମେକିଙ୍ଗ କରାଯିବ । ସିକଲ ସେଲ ଥିବା ଲୋକଙ୍କୁ ଜାରି ହେବ କାର୍ଡ । ସିକଲ ସେଲ ଆନିମିଆ ଭଳି ରୋଗ ହେଉଛି ବହୁତ କଷ୍ଟକର । ଏହାର ରୋଗୀମାନଙ୍କ ହାଡ ଗଣ୍ଠିରେ ସବୁବେଳେ କଷ୍ଟ ହୋଇଥାଏ, ଶରୀର କୁଣ୍ଡେଇ-କାଣ୍ଡେଇ ହୋଇଥାଏ ଏବଂ ହାଲିଆ ଲାଗିଥାଏ । ପିଠି, ଗୋଡ ଏବଂ ଛାତିରେ ଅସହନୀୟ ଯନ୍ତ୍ରଣା ଅନୁଭୂତ ହୋଇଥାଏ, ନିଶ୍ୱାସ ନେବାରେ କଷ୍ଟ ହୋଇଥାଏ । ଦୀର୍ଘ ସମୟ ଧରି କଷ୍ଟ ସହୁଥିବା ରୋଗୀଙ୍କ ଶରୀରର ଭିତର ଅଂଶ ମଧ୍ୟ କ୍ଷତିଗ୍ରସ୍ତ ହେବାରେ ଲାଗିଥାଏ । ଏହି ରୋଗ ପରିବାରକୁ ମଧ୍ୟ ଭାଙ୍ଗି ଦେଇଥାଏ । ଆଉ ଏହି ରୋଗ ନା ପବନ ଦ୍ୱାରା ହୋଇଥାଏ, ନା ପାଣି ଦ୍ୱାରା ହୋଇଥାଏ, ନା ଖାଦ୍ୟ ଦ୍ୱାରା ବ୍ୟାପିଥାଏ । ଏହି ରୋଗ ହେଉଛି ଏଭଳି ଯାହା ମାତା- ପିତାଙ୍କ ଠାରୁ ହିଁ ପିଲାମାନଙ୍କୁ ହୋଇଥାଏ, ଏହା ହେଉଛି ଆନୁବଂଶିକ । ଆଉ ଏହି ରୋଗ ସହିତ ଯେଉଁ ପିଲା ଜନ୍ମ ନେଇଥାଏ, ସେ ସମଗ୍ର ଜୀବନକୁ ଆହ୍ୱାନର ସହିତ ମୁକାବିଲା କରି ଚାଲିଥାଏ ।